Na 1 studzienia 2016 hoda praterminavanaja zapazyčanaść subjektaŭ haspadarańnia pa kredytach i pazykach skłała 14 trłn 806,4 młrd rubloŭ. Za 2015 hod jana pavialičyłasia ŭ 2,25 razu, u tym liku za śniežań 2015 hoda — na 2,4%. U cełym zapazyčanaść pa kredytach i pazykach skłała 567 trłn 901,3 młrd rubloŭ, što ŭ 1,5 razu bolš, čym hodam raniej, i na 3,8% bolš, čym na 1 śniežnia 2015 hoda, paviedamlaje Biełstat.
Praterminavanaja kredytorskaja zapazyčanaść za hod vyrasła ŭ 1,51 razu da 57 trłn 978.9 młrd rubloŭ, za śniežań 2015 hoda — na 0,3%. Źniešniaja praterminavanaja kredytorskaja zapazyčanaść pavialičyłasia za hod na 54,8% i na 1 studzienia 2016 hoda skłała 11 trłn 891,4 młrd rubloŭ. Za śniežań jana vyrasła na 1,5%.
Praterminavanaja debitorskaja zapazyčanaść pavialičyłasia za hod na 49,3% da 60 trłn 416,7 młrd rubloŭ, za śniežań — na 1,1%. Źniešniaja praterminavanaja debitorskaja zapazyčanaść pavialičyłasia za hod u 1,77 razu i na 1 studzienia 2016 hoda skłała 10 trłn 450 młrd rubloŭ. Za śniežań 2015 hoda — źniziłasia na 2,7%.
Sumarnaja zapazyčanaść na 1 studzienia 2016 hoda skłała 921 trłn. rubloŭ, pavialičyŭšysia ŭ paraŭnańni z 1 studzienia 2015 hoda na 39%, debitorskaja zapazyčanaść — 269,8 trłn rubloŭ (rost na 23,3% pry roście cen vytvorcaŭ pramysłovaj pradukcyi za hety pieryjad na 16%).
Ekanamisty źviazvajuć rost praterminavanaj zapazyčanaści ź niemahčymaściu pradpryjemstvaŭ viarnuć vydadzienyja dziaržavaj i kamiercyjnymi bankami kredyty, u tym liku lhotnyja.
«Dziaržava ŭsialak sprabuje adciahvać reformy i idzie pa šlachu Savieckaha Sajuza, jaki sprabavaŭ vyratavać sacyjalizm. Ułady siońnia schilnyja zavalvać hrašyma prablemnyja pradpryjemstvy, kab nie dapuścić masavych zabastovak, čym pravodzić rynkavyja reformy», — ličyć kiraŭnik Navukova-daśledčaha centra Mizesa Jarasłaŭ Ramančuk.
«Praz hod, chutčej za ŭsio, pradpryjemstvy, jakich siońnia ratuje dziaržava, nazapasiać novuju zapazyčanaść. Čamu? Tamu što ŭ realnaści ich prablemy ź finansavym stanoviščam źjaŭlajucca nie śledstvam vysokich stavak pa kredytach, a źviazanyja z tym, što jany vyrablajuć niekankurentazdolnuju pradukcyju i źmiarćvlajuć finansavyja resursy», — zajaviŭ ekanamist Siarhiej Čały.
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki32
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje10
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Kamientary