Hałoŭnym śledčym upraŭleńniem zavieršana rasśledavańnie kryminalnaj spravy ŭ dačynieńni da słužbovych asobaŭ AAT «Naftan». Materyjały spravy pieradadzienyja prakuroru dla nakiravańnia ŭ sud, paviedamlaje pres-słužba Śledčaha kamiteta.
Śledstvam ustanoŭlena, što namieśnik hienieralnaha dyrektara i dvoje jaho padnačalenych, u metach atrymańnia materyjalnaj vyhady, u červieni 2011 hoda ŭstupili ŭ złačynnuju zmovu z tryma pradstaŭnikami kamiercyjnych struktur.
Sutnaść supraćpraŭnaj dziejnaści zaklučałasia ŭ atrymańni chabaraŭ za akazańnie dapamohi ŭ zaklučeńni kantraktaŭ z AAT «Naftan».
Pry zaklučeńni adnaho z kantraktaŭ u lutym 2013 hoda abvinavačanyja mieli namier atrymać paśla ažyćciaŭleńnia ździełki bolš za 900 tysiač jeŭra, adnak nie zmahli davieści svoj złačynny namier da kanca, bo byli zatrymanyja apieratyŭnymi supracoŭnikami Ministerstva ŭnutranych spraŭ.
Usiaho ž, u vyniku zaklučanych kantraktaŭ pa nieabhruntavanaj koštu, AAT «Naftan» była naniesienaja škoda na sumu bolš za 46 miljardaŭ rubloŭ, a suma chabaraŭ słužbovym asobam skłała bolš za 240 tysiač jeŭra.
Padčas papiaredniaha rasśledavańnia pryniatyja śledstvam miery dali mahčymaść pakryć naniesienuju pradpryjemstvu škodu na sumu bolš za 38 miljardaŭ rubloŭ.
Na asnovie sabranych dokazaŭ śledstvam pryniata rašeńnie ab pradjaŭleńni słužbovym asobam pradpryjemstva kančatkovaha abvinavačvańnia pa č.3 art.424 (złoŭžyvańnie słužbovymi paŭnamoctvami) i č.3 art.430 (atrymańnie chabaru ŭ asabliva bujnym pamiery) Kryminalnaha kodeksa Respubliki Biełaruś.
Rasśledavańnie kryminalnaj spravy ŭ dačynieńni da pradstaŭnikoŭ kamiercyjnych struktur praciahvajecca
Kamientary