U siaredzinie sakavika ŭ Minsku adbudziecca vośmaja cyrymonija ŭručeńnia ŭznaharod Experty.bu pa mierkavańni muzyčnych žurnalistaŭ i krytykaŭ. Lepšyja biełaruskija albomy 2015 buduć nazvanyja ŭ 10 naminacyjach. Hienieralny partnior premii – intierniet-apieratar «Atłant Telekam».
Štatnyja ekśpierty sajta Experty.by adsłuchali bolš za 100 biełaruskich albomaŭ, vydadzienych u 2015 hodzie ŭ stylistycy pop, rok, fołk, alternatyva. 38 ź ich byli adrecenzavanyja i dapuščanyja da vynikovaha hałasavańnia.
U vyznačeńni pieramožcaŭ uziali ŭdzieł 15 biełaruskich muzyčnych žurnalistaŭ, a taksama 5 zamiežnych: pa adnym pradstaŭniku z kožnaj krainy, ź jakoj miažuje Biełaruś. Polšču ŭ hetym hodzie pradstaŭlaŭ Jacek Skalimoŭski (polski Newsweek), Rasiju – Dźmitryj Kurkin (partał Zvuki.ru), Ukrainu – Siarhiej Kiejn (partał Comma.com.ua), Litvu – Ludas Zakarevičus (partał Manomuzika.lt), Łatviju – Łaŭrys Anstraŭts (partał Intro.lv).
– Kožny hod my zaprašajem novych zamiežnych ekśpiertaŭ. Jany majuć rozny hust, roznych favarytaŭ, ale praktyčna ŭsie jany kažuć, što jakasnych i vartych usialakaha ŭchvaleńnia biełaruskich dyskaŭ bolš za dziesiać, jakija kožny ź ich maje abrać, – adznačaje kiraŭnik Experty.by Źmicier Biezkaravajny. – Talentaŭ u biełaruskaj muzycy nie mieńš za jakuju inšuju. Inšaja sprava, što čaściakom šyrokija koły pra ich nie viedajuć i my, jak možam, namahajemsia heta źmianić.
Pieramožca naminacyi «Albom hoda» treci hod zapar atrymaje nie tolki hanarovy dypłom, ale i karysny hałoŭny pryz – rekłamna-infarmacyjnuju padtrymku solnaha kancerta ad internet-apieratara «Atłant Telekam». U minułyja hady siarod pieramožcaŭ uznaharod byli Port Mone, Pukstband, «Troica», «Sieriebrianaja svad́ba», Źmicier Vajciuškievič, The Toobes, «Lapis Trubieckoj» i inšyja artysty.
Pasłuchać biełaruskija albomy 2015 i paznajomicca ŭ rehłamientam uznaharod možna na sajcie www.experty.by.
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary