Poŭnaj pieramohaj dla biełarusaŭ skončylisia Piatyja mižnarodnyja spabornictvy snajpieraŭ padraździaleńniaŭ śpiecyjalnaha pryznačeńnia, jakija adbylisia ŭ kancy lutaha ŭ padmaskoŭnym horadzie Bałašycha.
Hałoŭnaj metaj turniru, piša partał defendingrussia.ru, byŭ abmien dośviedam i pravierka ŭzroŭniu padrychtoŭki snajpierskich par ŭ stralbie na karotkich dystancyjach va ŭmovach, maksimalna nabližanych da bajavych.
Vintoŭka mahła być luboj, i heta nie zaminała sumlennaj baraćbie, zajaŭlali sudździ, bo stralba adbyvałasia na dystancyjach ad 40 da 200 mietraŭ, a na takich adlehłaściach usie vintoŭki prykładna adnolkava vyrašajuć pastaŭlenyja zadačy.
Spačatku snajpiery zrabili 8-kiłamietrovy marš-kidok da strałkovaha palihona. Tam ich čakali praktykavańni «Praca z zasady» (ruch pa-płastunsku i sinchronnaja stralba z naparnikam), «Praca z transpartnaha srodku» (stralba praz škło), «Vysotka» (stralba ź vierchnich pavierchaŭ i potym evakuacyja praz akno), «Ruchomaja mišeń», «Mišeni z tyłu» (pistaletnaja stralba), «Kłasika» (500 m prabiežka, stralba ź vintoŭki), «Mišeni z zakładnikami» (sinchronnaja z naparnikam stralba na 200 m).
U turniry ŭdzielničali 23 kamandy roznych padraździaleńniaŭ śpiecyjalnaha pryznačeńnia z RF i Biełarusi.
Pa vynikach usie pryzavyja miescy zaniali kamandy MUS i KDB Biełarusi:
1 miesca — Śpiecyjalnaje padraździaleńnie pa baraćbie z teraryzmam «Ałmaz» MUS RB
2 miesca — Hrupa «A» KDB RB
3 miesca — jašče adna kamanda biełaruskaha «Ałmaza»
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary