Vyvad rasijskich vojskaŭ ź Siryi — heta «surjoznaja źniešniepalityčnaja i imidžavaja paraza režymu» Uładzimira Pucina, napisaŭ u siabie ŭ fejsbuku rasijski palitołah Andrej Pijantkoŭski. «Adna z tych, što viaduć da padzieńnia takoha rodu dyktatur», — ličyć jon.
«Ukraincy, za vami čarha zrabić jašče adnu, admoviŭšysia ad ździełki pa Danbasie i pakinuŭšy Pucina ź jaho bandyckaj Łuhandonijaj na rukach!» — zaklikaŭ Pijantkoŭski.
«Rašeńnie ab vyvadzie rasijskich vojskaŭ ź Siryi mahčyma było i čakałasia, ale ŭ niejkaj doŭhaterminovaj pierśpiektyvie. Toje, što jano było pryniataje siońnia viečaram [14 sakavika], źjaŭlajecca absalutnaj siensacyjaj, uličvajučy jašče toje, jak mienavita jaho ahałošvańnie adbyvałasia. Takoje vidovišča treba było bačyć, — adznačaje Pijantkoŭski. — Možna było zaŭvažyć, što Pucin, Łaŭroŭ i Šajhu znachodzilisia pad najciažejšym stresam. Kali dazvolena budzie skarystacca movaj rasijskaj napaŭkryminalnaj palityčnaj «elity», jany «nieśli połniejšij bried». Pasprabujcie supastavić ich blajańnie z tym, što kramloŭskaja prapahanda davodziła nam usie apošnija paŭhady», — piša publicyst.
«Pipłu tłumačyli, što asnoŭnaja meta hetaj apieracyi była ŭ tym, kab spynić terarystaŭ ID na dalokich rubiažach i jany nie pryjšli da nas u Rasiju. I voś ciapier pravadyry dakładvajuć nam, što za ŭvieś hety čas zabita 17 palavych kamandziraŭ. Usio. Ciapier naša «misija vykananaja» i vajennyja z hodnaściu viartajucca na Radzimu. A jak ža być z astatnimi, akramia voś hetych 17-ci? Chto ich ciapier budzie sustrakać na dalokich rubiažach?
Realnaja meta — dapamahčy Asadu raspravicca z apazicyjaj. Usio, što my tam rabili, a mienavita 90% rasijskich bajavych vyletaŭ — heta ŭdary nie pa ID, a pa ŭmieranaj apazicyi Asadu. Jašče tydzień tamu naš Rybientrop horda zajaŭlaŭ, što niahledziačy na pieramirje my budziem praciahvać bambić terarystaŭ i, u pryvatnaści, Alepa, bo tam zasieli terarysty. A ciapier jany viešajuć telehledačam łokšynu na vušy, pieraličvajučy svaje dasiahnieńni — była «ŭznoŭlenaja suviaź z Alepa».
«Vonkava situacyja vyhladaje jak vyvad [savieckich] vojskaŭ z Afhanistana», — robić vysnovu Pijantkoŭski.
-
Ty ruskamoŭny čałaviek śvietu ci ty čałaviek biełaruski? Kiejs Nasty Rahatko
-
«Vałasy dybaram». U jutubie źjavilisia videaroliki pa historyi Biełarusi, ad pačatku da kanca napisanyja štučnym intelektam
-
Nasta Rahatko: Usich, chto suprać udziełu biełarusaŭ u iventach rasijan, ja čakaju ŭbačyć na kirmašach polskich, brytanskich, ispanskich
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty19
Kamientary