Ad 1 krasavika ŭ kramach mohuć źjavicca ceńniki z denaminavanymi cenami
Ministerstva handlu ličyć mahčymym pačać prymianieńnie ceńnikaŭ i mieniu ŭ punktach handlu i hramadskaha charčavańnia z ukazańniem starych i novych cenaŭ z 1 krasavika, ale nie paźniej za 1 červienia. Ab hetym paviedamlajecca ŭ tłumačeńni Minhandlu ab paradku afarmleńnia ceńnikaŭ u pieryjad paralelnaha zvarotu hrošaj staroha i novaha ŭzoru, jakoje apublikavana na sajcie viedamstva.
«Ministerstva handlu ličyć mahčymym pačać prymianieńnie ceńnikaŭ, mieniu, inšaj infarmacyi ab canie tavaraŭ, pradukcyi hramadskaha charčavańnia, taryfaŭ z ukazańniem cen u hrašovych znakach 2000 i 2009 hadoŭ, aformlenych u adpaviednaści z prykładanymi tłumačeńniami, ad 1 krasavika, ale nie paźniej za 1 červienia 2016 hoda», - havorycca ŭ dakumiencie.
U tłumačeńni, jaki składajecca z vaśmi punktaŭ, Minhandlu u tym liku prapanuje ŭzory afarmleńnia ceńnikaŭ, mieniu i taryfaŭ u abjektach bytavoha absłuhoŭvańnia, a taksama pry pradastaŭleńni skidak. Viedamstva padčas paralelnaha zvarotu hrašovych znakaŭ staroha i novaha ŭzoru parekamiendavała, da prykładu, na tavarnych jarłykach i inšych nośbitach infarmacyi ab canie tavaraŭ vykarystoŭvać etykiet-stužku dvuch koleraŭ, šmatradkovyja etykiet-pistalety, pakazvać canu tavaraŭ u hrašovych znakach 2000 i 2009 hadoŭ na dvuch ścikierach. «U hetych vypadkach pradaviec pavinien prainfarmavać pakupnika pra sposab ŭkazańnia cany «da denaminacyi» i «paśla denaminacyi» šlacham pradastaŭleńnia takoj infarmacyi ŭ dastupnych dla pakupnika miescach, praz radyjovuzieł i inšymi sposabami», - adznačajecca ŭ tłumačeńni. Naprykład, čyrvonym koleram (abo na pravym stykiery) pakazanaja cana da denaminacyi, zialonym (ci na levym stykiery) - paśla denaminacyi.
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła1
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu3232
Kamientary