«U Aleksijevič absalutna niama fanaberyi, staŭleńnia da siabie jak da čahości adzina pravilnaha i biespamyłkovaha»
«Pry ŭsich razychodžańniach z Aleksijevič adna jaje jakaść mnie vielmi padabajecca», — piša ŭ fejsbuku žurnalist Vital Cyhankoŭ.
«U jaje absalutna niama fanaberyi, staŭleńnia da siabie jak da čahości adzina pravilnaha i biespamyłkovaha. Heta, jak mnie padajecca, nijak nie źmianiłasia i paśla atrymańnia joj Nobeleŭskaj premii.
U hetaj suviazi ŭzhadvajucca tyja vykazvańni, jakija byli ŭ presie i sacyjalnych sietkach vosieńniu, adrazu paśla Nobela. Kali «abaroncy» Aleksijevič ad apanientaŭ zatykali im rot niemudrahielistym tezisam — «spačatku stań Nobeleŭskim łaŭreatam, a potym krytykuj».
Tezis sam pa sabie hniły i tupy. Ale — što važna — sama Aleksijevič takoha nikoli b nie skazała. Heta nie dazvalaje ani jaje charaktar, ani jaje vychavanaść, i navat jaje doŭhaje žyćcio ŭ Eŭropie. Bo ŭ Eŭropie takija vykazvańni («spačatku stań, a potym krytykuj») spraviadliva paličyli b niedemakratyčnymi i elitysckimi jak minimum. Kali b takoje skazaŭ viadomy žurnalist na Zachadzie — jon jaŭna mieŭ by asudžeńnie kalehaŭ i, mahčyma, navat prablemy na pracy. A ŭ nas takoje dapuskajuć ludzi, jakija vystupajuć za eŭrapiejskuju perspektyvu Biełarusi».
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ73
Kamientary