Takoje rašeńnie pryniała apelacyjnaja rada Nacyjanalnaha centru intelektualnaj ułasnaści pavodle zajavy Alesia Razanava i Viktara Markaŭca.
Takoje rašeńnie pryniała apelacyjnaja rada Nacyjanalnaha centru intelektualnaj ułasnaści pavodle zajavy A.Razanava i V.Markaŭca, paviedamiŭ BiełaPAN.
3 maja apelacyjnaja rada Nacyjanalnaha centru intelektualnaj ułasnaści pryznała niesapraŭdnaj rehistracyju tavarnaha znaku kampanii «MTS» z vyjavaj čyrvonaha jajka.
Takoje rašeńnie apelacyjnaja rada pad staršynstvam Natalli Barkun pryniała pavodle vynikaŭ słuchańnia zajavy aŭtaraŭ mastackich tvoraŭ «Jajkakvadraty», viadomych dziejačaŭ biełaruskaj kultury paeta Alesia Razanava i mastaka Viktara Markaŭca. Jany źviarnulisia ŭ centar 10 kastryčnika 2007 hodu ź piarečańniami suprać rehistracyi na terytoryi Biełarusi tavarnaha znaku № 25.420 z vyjavaj čyrvonaha jajka ŭ biełym kvadracie.
Paśla atrymańnia matyvavalnaj častki rašeńnia, na składańnie jakoj zakonam dajecca dva miesiacy, kampanija «MTS» moža abskardzić verdykt u sudovaj kalehii pa spravach intelektualnaj ułasnaści Viarchoŭnaha sudu.
U kampanii «Mabilnyja TeleSystemy» kateharyčna nie zhadžajucca z rašeńniem apelacyjnaj rady. Dyrektar pradstaŭnictva rasiejskaha akcyjanernaha tavarystva «MTS» u Biełarusi Dźmitry Chodas nazvaŭ rašeńnie «absalutna niezakonnym i nieabhruntavanym». Jon padkreśliŭ, što rašeńnie apelacyjnaj rady ŭvojdzie ŭ siłu nie raniej, čym praź siem‑vosiem miesiacaŭ.
Kamientary