U Baranavičach sud nad aktyvistami pieranieśli, tamu što sudździ patrebien pierakładčyk biełaruskaj movy
Nastupny sud nad aktyvistami Uładzimiram Hundaram i Juryjem Kazakievičam pryznačany na 13 maja.
– Ja zapatrabavaŭ u sudździ, kab jana źviartałasia da mianie pa-biełarusku. Jana spytała: «Vam pierakładčyk treba?». Ja adkazaŭ: «Nie». Jana adkłała sud da 13 čysła ŭ suviazi z tym, što budzie šukać pierakładčyka, – raskazaŭ Intex-press Uładzimir Hundar.
Jon kaža, heta śviedčyć ab tym, što dziaržaŭny čynoŭnik nie viedaje rodnaj movy. Ale pa Kanstytucyi jon abaviazany viedać dźvie dziaržaŭnyja movy.
– Heta soram voś tak stavicca da rodnaj movy, – ličyć Uładzimir Hundar.
Aktyvist kaža, što na sud nie pryjšli śviedki – dva milicyjanty. Jany spasłalisia na toje, što zaniatyja na pracy. Ale, pa słovach Uładzimira Hundara, asnoŭnaj pryčynaj pieranosu suda stała ŭsio ž taki adsutnaść pierakładčyka.
Aktyvistaŭ sudziać za parušeńnie zakona «Ab masavych mierapryjemstvach». Za toje, što 25 sakavika aktyvisty vyjšli ŭ centr Baranavič ź bieła-čyrvona-biełym płakatam z nadpisam pra 98-ju hadavinu abviaščeńnia niezaležnaści Biełaruskaj Narodnaj Respubliki, a taksama z płakatam salidarnaści z Ukrainaj sa słovami «Razam — da lepšaj doli».
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary