Viciebski śviatar pra pajezdki školnikaŭ na zbory z bajevikami z «DNR»: «My jeździli ŭ Rasiju, jeździm i budziem jeździć»
U niadzielu, 15 maja, my apublikavali materyjał pra toje, jak «vajskova-patryjatyčnyja» kłuby pry Viciebskaj jeparchii adpraŭlali školnikaŭ z Tałačyna, Drucka i Viciebska na vajenna-palavyja zbory ŭ Rasii pad kiraŭnictvam nieanacystaŭ i ŭdzielnikaŭ bajavych dziejańniaŭ u Danbasie.
Z prośbaj patłumačyć, jak tak vyjšła, my źviarnulisia da protaijereja Alaksandra Kavalova — kiraŭnika adździeła pa spravach moładzi Viciebskaj jeparchii.
«Jakija nieanacysty? Napisać i sfatahrafavać možna što zaŭhodna, — adkazaŭ jon. — Što da Milčakova… A vy možacie na 100% paćvierdzić usio heta? Kali b ja vieryŭ usiamu tamu, što baču ŭ internecie i telebačańni, to viedajecie, ja b daŭno z hłuzdu źjechaŭ», — skazaŭ Kavaloŭ.
Na jahonuju dumku, usio napisanaje — fejk, stvorany z metaj «razładu».
Protaijerej Alaksandr Kavaloŭ. Fota vitprav.by.
«Čamu vam heta tak nie padabajecca? Kostkaj u horle ŭ vas tema hetaja staić, — ličyć protaijerej. — Jość vajenna-patryjatyčnyja kłuby, jany pavinny sustrakacca adzin z adnym, jany pavinny razam spaborničać, hetyja dzieci. Usio ŭ miežach zakonu. A toje, pra što vy pišacie, heta admysłova kab hetaha nie było. Ale heta budzie, razumiejecie, usio roŭna heta budzie», — skazaŭ Kavaloŭ.
«Ja nie pra fašystaŭ kažu. Pra toje, što vajenna-patryjatyčnyja kłuby byli, jość i buduć. Pad apiekaj kazakoŭ, pad apiekaj byłych vajskoŭcaŭ, razumiejecie. My jeździli ŭ Rasiju, jeździm i budziem jeździć», — dadaŭ jon.
SK nazvaŭ imiony tych, chto skinuŭ vybuchoŭku na bazu AMAPa ŭ Minsku ŭ 2021 hodzie5
Kamientary