Palitemihrant Siarhiej Navumčyk ličyć, što lidaru KCHP-BNF Zianonu Paźniaku pakul rana viartacca ŭ Biełaruś.
Navumčyk nahadaŭ, što ŭ kancy minułaha hoda mytnia zatrymała na miažy knihi Paźniaka. «Heta pakazvaje staŭleńnie ŭładaŭ da Paźniaka. Mnie zdajecca, što dla jaho viartańnia pakul nie čas», — skazaŭ Navumčyk.
Kažučy pra toje, što vymusiła jaho i Paźniaka pakinuć krainu ŭ 1996 hodzie, Navumčyk adznačyŭ, što tady «była absalutna realnaja pahroza nie tolki svabodzie, ale i žyćciu». «U toj situacyi vybaru pamiž žyćciom i śmierciu my zrabili taki vybar», — skazaŭ jon.
Na dumku Navumčyka, emihracyja ŭ toj čas była palityčna pravilnym vybaram. «Nahadaju, tady Zachad užo faktyčna pryznavaŭ aficyjny Minsk, palityku, jakuju pravodziŭ i pravodzić Łukašenka. ZŠA byli vymušanyja dać palityčnaje prystanišča dvum lidaram narodnaha frontu. Heta prymusiła ich pierahledzieć staŭleńnie da Biełarusi, i ŭžo refierendum 1996 hoda byŭ u centry ŭvahi suśvietnaj supolnaści. Taja akaličnaść adyhrała svaju rolu», — zajaviŭ palityk i žurnalist.
Navumčyk adznačyŭ, što niekatoryja pradstaŭniki ŚMI nazvali jaho i Paźniaka emihracyju «palityčnym samaspaleńniem». «Ale ja praz 20 hadoŭ, dziakavać Bohu, žyvy. Žyvy i Paźniak», — skazaŭ jon.
«Biełaruś pakul dalokaja ad pravavoj dziaržavy. Tut nichto ni ad čaho nie zastrachavany, ale, spadziajusia, usio budzie dobra. Va ŭsiakim vypadku ŭsie pracedury pašpartnaha kantrolu ja prajšoŭ biez prablem, — adznačyŭ Navumčyk. — Ja nie viedaju, što budzie dalej, ale adčuvaju siabie ŭ hety momant absalutna ščaślivym čałaviekam».
Apytanka
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary