Śpioka viartajecca. U čaćvier znoŭ budzie +30
Što rabić, kab u śpioku nie atrymać ciepłavy ŭdar i dobra siabie adčuvać? Miedyki rajać pić vadu, jeści sadavinu i harodninu i nasić svabodnuju vopratku.
«Vopratka pavinna być z naturalnaj tkaniny i svabodnaja, kab była mahčymaść cyrkulacyi pavietra. Taksama treba nasić adzieńnie śvietłych koleraŭ. Abaviazkova treba nasić hałaŭny ŭbor, taksama śvietłaha koleru. Va ŭsich ludziej z saboj musić być butelka pitnoj niehazavanaj vady. Pić treba nie chałodnuju vadu, a pakajovaj tempieratury. Lepiej nie achałodžvać jaje ŭ ladoŭni», — daje parady lekar-valeołah haradskoha centra zdaroŭja Anastasija Kosava.
Što jašče treba rabić u śpioku, kab źbierahčy zdaroŭje:
— Treba jeści, u racyjonie musić być sadavina i harodnina.
— Nie treba pierabolšvać z kandycyjanieram, nie mienš za 22-24 hradusy.
— Možna abmyvać ruki, hałavu, achałodžvać nohi ŭ prachałodnaj vadzie, rabić kampresy.
— Na rovary lepš jeździć u cieni.
— Sportam zajmacca možna, ale ŭ pamiaškańni z kandycyjanieram, nahruzki treba pamienšyć.
Što nielha:
— Užyvać śpirtnyja napoi.
— Źjadać šmat marožanaha, bo možna zarabić anhinu ad pierapadaŭ tempieratury
— Užyvać vielmi chałodnuju i hazavanuju vadu. Ad chałodnaj vady taksama možna prastudzicca, a minieralnaja vada utrymlivaje soli, jakija pierahružajuć sardečna-sasudzistuju sistemu.
Kali ŭ śpioku vy zaŭvažyli, što čałavieku drenna, to jaho treba pieramiaścić u cień i dać padychać śviežym pavietram.
«Treba dać dostup da kisłarodu, pažadana čałavieka pakłaści, prypadniać jamu nohi, kab dać adtok kryvi da serca. Kali čałaviek u prytomnaści, to varta dać papić jamu vady. Kali jamu nie stanovicca lepš, to treba vyklikać chutkuju», — dadaje Anastasija Kosava.
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary