FSB Rasii abvinavaciła śpiecsłužby Ukrainy ŭ padrychtoŭcy teraktu ŭ Krymie

Fiederalnaja słužba biaśpieki Rasii zajaviła, što jaje supracoŭniki praduchilili ŭ Krymie terarystyčny akt. U padrychtoŭcy teraktu śpiecsłužba abvinavaciła Hałoŭnaje ŭpraŭleńnie raźviedki ministerstva abarony Ukrainy.

Pavialičyć

U intervju ahienctvu Rejter pradstaŭnik ukrainskaha boku abvinavačvańni adchiliŭ. Aficyjny pradstaŭnik vajennaj raźviedki krainy zajaviŭ, što infarmacyja FSB źjaŭlajecca iłžyvaj.

7 žniŭnia ŭkrainskaja presa paviedamiła pra toje, što kantrolna-prapusknyja punkty na miažy Krymskaha paŭvostrava «Čanhar», «Kałančak» i «Čaplinka» pierakrytyja z rasijskaha boku, u vyniku čaho ŭtvarylisia vielizarnyja aŭtamabilnyja zatory. Kančatkova ruch na paŭvostraŭ byŭ adnoŭleny tolki ŭ noč na 10 žniŭnia.

Adnačasova ŭ presie źjaviłasia infarmacyja ab kancentracyi rasijskich vojskaŭ pablizu miažy paŭvostrava z macierykovaj častkaj i vakoł važnych abjektaŭ infrastruktury, a taksama paviedamleńni pra toje, što vajennaja technika aktyŭna pieramiaščajecca.

Pavodle adnoj ź viersij, jakija byli vysunutyja ŭ presie, hetaja aktyŭnaść mahła być padrychtoŭkaj da vučeńniaŭ rasijskaj armii ŭ Krymie albo samimi vučeńniami.

9 žniŭnia pamočnik kiraŭnika Dziaržpahransłužby Ukrainy Aleh Słabadzian paviedamiŭ kanału «112 Ukraina» pra vysokuju aktyŭnaść rasijskich uzbrojenych sił na miažy z Krymam. «U šaści vypadkach my nazirali paloty viertalotaŭ uzbrojenych sił RF, u adnym vypadku — bieśpiłotny latalny aparat», — zajaviŭ Słabadzian. Pavodle jaho słoŭ, rasijskija vajskoŭcy ŭnačy sprabavali aśviatlić ukrainskija pazicyi z dapamohaj pražektara.

U toj ža dzień pradstaŭnik hałoŭnaha ŭpraŭleńnia vyviedki ministerstva abarony Ukrainy Vadzim Skibicki paviedamiŭ «Ukrainskaj praŭdzie», što ŭ krainie byŭ pavyšany ŭzrovień pahrozy.

Viersija FSB

FSB śćviardžaje, što hrupa dyviersantaŭ była znojdzienaja ŭ rajonie horada Armiansk u noč z 6 na 7 žniŭnia, padčas zatrymańnia adbyłasia stralanina, u chodzie jakoj zahinuŭ supracoŭnik rasijskaha viedamstva.

«Na miescy sutyknieńnia znojdzienyja: 20 samarobnych vybuchovych pryład sumarnaj mahutnaściu bolš za 40 kiłahramaŭ u traciłavym ekvivalencie, bojeprypasy i śpiecyjalnyja srodki inicyjavańnia, štatnyja supraćpiachotnyja i mahnitnyja miny, a taksama hranaty i śpieczbroja, jakija znachodziacca na ŭzbrajeńni śpiecyjalnych padraździaleńniaŭ uzbrojenych sił Ukrainy», — paviedamiła FSB.

Rasijski bok zajaviŭ, što była i jašče adna «sproba praryvu» ŭ noč na 8 žniŭnia, jakaja supravadžałasia abstrełam z boku Ukrainy.

Pa vynikach apieracyi byli zatrymanyja hramadzianie Ukrainy i Rasii, jakich FSB abvinavačvaje ŭ tym, što ŭ supracoŭnictvie z ukrainskimi śpiecsłužbami jany dapamahali padrychtavać napad. FSB nazyvaje adno imia zatrymanaha — Jaŭhien Panoŭ, pa źviestkach śpiecsłužbaŭ, jon žyvie ŭ Zaparožskaj vobłaści Ukrainy i pracuje na ŭkrainskuju vyviedku.

Napad pavinien byŭ być nakiravany na «krytyčna važnyja elemienty infrastruktury i žyćciezabieśpiačeńnia paŭvostrava», zajavili pradstaŭniki rasijskich śpiecsłužbaŭ.

Reakcyja Ukrainy

U Hienštabie Uzbrojenych sił Ukrainy adprečvajuć abvinavačvańni z boku FSB. Śpikier ukrainskaha Hienštaba Uładzisłaŭ Sielaźnioŭ nazvaŭ u intervju «Radyjo Svaboda» zajavy rasijskaha boku pravakacyjaj.

«Čatyry dni FSB čakała, a potym źjaŭlajecca infarmacyja, jakaja kursavała ŭ sacyjalnych sietkach. Ale litaralna ŭčora pradstaŭnik HUR Minabarony Ukrainy Vadzim Skibicki zrabiŭ zajavu, što na terytoryi akupavanaha Kryma FSB pravodzić antyterarystyčnyja vučeńni. Całkam mahčyma, što heta paviedamleńnie kładziecca ŭ toj infarmacyjny składnik praviadzieńnia hetych vučeńniaŭ», — cytuje Sielaźniova partał «Krym.Riealii», jaki źjaŭlajecca prajektam «Radyjo Svaboda».

Daradca kiraŭnika SBU Juryj Tandyt zajaviŭ ahienctvu Interfaks-Ukraina, što śpiecsłužby krainy nie sprabujuć siłaj viarnuć Krym. «Ukraina nie zachoplivaje i nie viartaje siłaj svaju terytoryju, i nie budzie hetaha rabić», — cytuje ahienctva Tandyta.

• 0
• 0
• 0
• 0
• 0
• 0
• 0
• 0