Prezident Ukrainy Piatro Parašenka zajaŭlaje, što abvinavačvańni rasijskim bokam Ukrainy ŭ teraryźmie ŭ akupavanym Krymie - heta fantazii i nahoda dla čarhovych vajennych pahroz u adras Ukrainy.
Pra heta havorycca ŭ zajavie kiraŭnika Ukrainy.
Abvinavačvańni rasijskim bokam Ukrainy ŭ teraryźmie ŭ akupavanym Krymie razdajucca hetak ža biessensoŭna i cynična, jak zajavy rasijskaha kiraŭnictva pra adsutnaść rasijskich vojskaŭ u Danbasie.
Hetyja fantazii — tolki padstava dla čarhovych vajennych pahroz u adras Ukrainy.
Ukraina rašuča asudžaje teraryzm va ŭsich jaho prajavach i formach i, adpaviedna, adchilaje praktyku vykarystańnia lubych terarystyčnych mier pa deakupacyi Kryma.
Mienavita Rasija ŭžo daŭno ščodra finansuje i aktyŭna padtrymlivaje teraryzm na terytoryi Ukrainy, padniaŭšy jaho da ŭzroŭniu svajoj dziaržaŭnaj palityki — i ŭ akupavanych rajonach Danbasa, i ŭ anieksavanym Krymie, u styli 30-ch hadoŭ minułaha stahodździa.
Rasii nie atrymajecca svaimi pravakacyjnymi zajavami dyskredytavać Ukrainu ŭ vačach mižnarodnaj supolnaści i damahčysia admieny zasłužanych sankcyj, uviedzienych z boku našych partnioraŭ.
Zaklikaju rasijskaje kiraŭnictva zasiarodzicca na sumlennym vykanańni padstavovych normaŭ mižnarodnaha prava, pierš za ŭsio ŭ dačynieńni da pavahi suvierenitetu, terytaryjalnaj cełasnaści i pravoŭ čałavieka.
Čakaju taksama, što RF zabiaśpiečyć naležnuju implemientacyju biaśpieki aśpiektaŭ minskich damoŭlenaściej, u tym liku praz vykarystańnie miechanizmaŭ narmandskaha farmatu.
Kamientary