U Minsku vyłučana 8 kandydataŭ u členy Savieta Respubliki Nacyjanalnaha schodu Biełarusi. Takoje rašeńnie pryniata siońnia na sumiesnym pasiadžeńni prezidyuma Minskaha haradskoha savieta deputataŭ i Minharvykankama.
Tak, kandydatami ŭ sienatary stali namieśnik ministra justycyi Ała Badak, dyrektar RNPC «Maci i dzicia» Kanstancin Vilčuk, rektar Biełaruskaj dziaržaŭnaj akademii muzyki Kaciaryna Dułava, staršynia Savieta Respubliki Nacyjanalnaha schodu Michaił Miaśnikovič, staršynia Fiederacyi prafsajuzaŭ Biełarusi Michaił Orda, Nadzvyčajny i Paŭnamocny Pasoł Respubliki Biełaruś u Japonii Siarhiej Rachmanaŭ, kiraŭnik RNPC transpłantacyi orhanaŭ i tkanak Aleh Rumo, ministr pracy i sacyjalnaj abarony Marjana Ščotkina.
Vyłučeńnie kandydataŭ u členy Savieta Respubliki zaviaršajecca 19 žniŭnia. Kandydaty rehistrujucca ŭ CVK z 20 pa 24 žniŭnia. Niepasredna sami vybary sienataraŭ projduć z 25 žniŭnia pa 13 vieraśnia na pasiadžeńniach miascovych savietaŭ deputataŭ bazavaha ŭzroŭniu abłaściej, deputataŭ Minharsavieta. Vyniki vybaraŭ pavinny być kančatkova padviedzieny nie paźniej za 30 vieraśnia.
***
Saviet Respubliki — adna z dvuch pałat parłamienta Biełarusi. U jaje ŭvachodziać 64 čałavieki, i jana ličycca pałataj terytaryjalnaha pradstaŭnictva. Pry hetym 56 čałaviek abirajucca, a jašče 8 pryznačaje prezident Biełarusi.
Kamientary