Staršynia Centravybarkamu Biełarusi Lidzija Jarmošyna ličyć apraŭdanym aryšt Uładzimiera Kondrusia, zatrymanaha ŭ červieni hetaha hodu za ŭdzieł u akcyi pratestu ŭ centry Miensku paśla abviaščeńnia vynikaŭ prezydenckich vybaraŭ 2010 hodu.
«Mnie zusim niadaŭna zadali pytańnie z nahody adnaho z tych, chto aryštavany ŭ suviazi z padziejami 2010 hodu. Jaho vypadkova ŭstanavili. Pra heta šmat šumić Internet i hetak dalej. I kali ja kažu: «Skažycie, kali łaska, a na terytoryi Eŭraźviazu asobaŭ, jakija čyniać dziejańni, blizkija da teraryzmu, nie pryciahvajuć da adkaznaści?» — mnie adkazvajuć: «Nu, heta ž nie teraryzm»», — raspaviała Lidzija Jarmošyna ŭ prahramie «Prostyja pytańni» telekanała STB.
«Tak, Kondruś nie paśpieŭ uziać mianie ŭ zakładniki. Voś jon prosta raźbiŭ škło Doma ŭradu i sprabavaŭ u jaho ŭvarvacca. A voś u tym vypadku, kali b jon kahości zachapiŭ, tady b razhladali sytuacyju inakš», — praciahnuła kiraŭnik CVK.
Žychar haradzkoha pasiołka Rudziensk Uładzimier Kondruś byŭ zatrymany 14 červienia 2016 hodu. Pavodle paćvierdžanaj Śledčym kamitetam Biełarusi infarmacyi, jon abvinavačvajecca pavodle č. 2 art. 293 KK («masavyja biesparadki»).
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć31
Kamientary