Dajučy zhodu na pryznačeńnie novaha namieśnika hienprakurora, Łukašenka skazaŭ, što čakaje «pavyšeńnia efektyŭnaści dziejnaści prakurorskich rabotnikaŭ», i šmat čaho zaležyć ad supracoŭnictva z pradstaŭnikami druhich pravaachoŭčych orhanaŭ.
U pryvatnaści, daŭ zhodu na pryznačeńnie Alaksieja Stuka namieśnikam hieneralnaha prakurora Biełarusi. Łukašenka adznačyŭ, što «čakaje ŭ najbližejšy čas pavyšeńnia efektyŭnaści dziejnaści prakurorskich rabotnikaŭ. Šmat čaho zaležyć ad vybudoŭvańnia paśpiachovaha ŭzajemadzieńnia prakuroraŭ z pradstaŭnikami druhich pravaachoŭčych orhanaŭ».
Chartyja'97 zaznačaje, što zia niapoŭny hod Alaksiej Stuk zrabiŭ ašałamlalnuju karjeru.
Da lipienia 2007 h. jon byŭ usiaho tolki prakuroram Leninskaha rajonu Miensku. Pavyšeńnie pa słužbie ŭ vyhladzie namieśnika prakurora Miensku atrymaŭ chutka paśla taho, jak admoviŭ u zaviadzieńni kryiminalnaj spravy suprać hramadzian, što napali ŭ pačatku sakavika 2006 h. na kandydata ŭ prezydenty Kazulina, adznačaje Chartyja'97.
I mienavita Stuk padpisaŭ sankcyju na praviadzieńnie pieratrusaŭ u pamiaškańniach Radyjo Racyja, «Eŭrapiejskaje radyjo dla Biełarusi», «Biełsatu», pryvatnych kvaterach žurnalistaŭ, što prajšli 27‑28 sakavika 2008 h. pa ŭsioj Biełarusi.
Vidać, čarhovaje pavyšeńnie na słužbie Stuk atrymaŭ za "paśpiachova praviedzienuju aperacyju suprać žurnalistaŭ", reziumuje Chartyja'97.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary