Kiraŭnika Sajuza žurnalistaŭ Kazachstana asudzili na šeść hadoŭ, jaho syn, kiraŭnik infarmahienctva, atrymaŭ 5 hadoŭ
U Astanie ŭ Jesilskim rajonnym sudzie №2 abvieščany prysud kiraŭniku Sajuza žurnalistaŭ Kazachstana (SŽK) Siejtkazy Matajevu. Jon pryznany vinavatym u ździajśnieńni šerahu kryminalnych złačynstvaŭ, u tym liku - va ŭchileńni ad vypłaty padatkaŭ i ŭ kradziažy biudžetnych srodkaŭ.
Siejtkazy Matajeŭ asudžany na 6 hadoŭ pazbaŭleńnia voli z kanfiskacyjaj majomaści i pažyćciovym pazbaŭleńniem prava zajmać kirujučyja pasady, źviazanyja z materyjalnaj i arhanizacyjnaj adkaznaściu. Jaho syn, hiendyrektar pryvatnaha infarmacyjnaha ahienctva KAZTAH Asiet Matajeŭ, asudžany na 5 hadoŭ, taksama z kanfiskacyjaj majomaści.
Prakuratura patrabavała dla Siejtkazy Matajeva terminu ŭ šeść hadoŭ i vosiem miesiacaŭ, a dla jaho syna - šaści hadoŭ pazbaŭleńnia voli.
Matajevy byli ŭziatyja pad chatni aryšt u studzieni 2016 hoda. Usie abvinavačvańni śledčych Nacyjanalnaha biuro pa supraćdziejańni karupcyi jany adchilili, ad supracoŭnictva sa śledstvam u abmien na spynieńnie kryminalnaj spravy admovilisia. Hetyja abvinavačvańni pryciahnuli da spravy pavyšanuju ŭvahu hramadskaści ŭ Kazachstanie. Siejtkazy Matajeŭ ličycca adnym z samych aŭtarytetnych žurnalistaŭ, jaki nie naležać da jakoha-niebudź palityčnaha łahieru.
Mnohija ahladalniki nazvali jaho adzinym zachavanym «mastkom» pamiž uładaj i krytyčna nastrojenaj hramadskaściu. Vyrak suda hety mastok razburyŭ.
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im10
Kamientary