Kamandzir ekipaža biełaruskaha łajniera, jaki byŭ vymušany ŭ piatnicu viarnucca ŭ Kijeŭ pavodle patrabavańnia ŭkrainskaha boku, paćvierdziŭ, što dyśpietčar pahražaŭ padniać u nieba źniščalniki, kali kamanda nie budzie vykanana.
Ukrainski dyśpietčar skazaŭ piłotam pasažyrskaha Boeing avijakampanii «Biełavija», što ŭ pavietra buduć padniatyja źniščalniki, kali ekipaž admovicca viarnucca ŭ Kijeŭ. Pra heta ŭ efiry telekanała «Biełaruś 1» zajaviŭ kamandzir pavietranaha sudna Viktar Šyšła. Takim čynam jon paćvierdziŭ ahučanuju raniej infarmacyju «Biełavija» ab tym, što z boku kijeŭskich dyśpietčaraŭ byli pahrozy padniać źniščalniki.
«Dyśpietčar vyjšaŭ na suviaź na ruskaj movie i skazaŭ, što my abaviazany viarnucca ŭ aeraport Kijeva «Žulany». Pryčynu viartańnia jon nie skazaŭ, adznačyŭšy, što pryčynu my daviedajemsia na ziamli. I kali nie vykanajecie kamandu na viartańnie, to buduć padniatyja źniščalniki», — raspavioŭ Šyšła (cytata pa TASS).
Jon adznačyŭ, što pavodle praviłaŭ Mižnarodnaj arhanizacyi hramadzianskaj avijacyi (IKAO) ekipaž abaviazany vykonvać kamandy dyśpietčara.
Raniej kiraŭnik aparata słužby biaśpieki Ukrainy (SBU) Alaksandr Tkačuk abvierh infarmacyju pra pahrozu padniać źniščalniki dla viartańnia ŭ Kijeŭ biełaruskaha samalota. Jon rastłumačyŭ, što bort, jaki ŭžo znachodziŭsia ŭ pavietry, viarnuli ŭ «Žulany», kab pierakanacca, što niama pahrozy biaśpiecy Ukrainy.
Adnak namieśnik hienieralnaha dyrektara «Biełavija» Ihar Čarhiniec paźniej zajaviŭ, što ŭ avijakampanii majecca zapis pieramovaŭ ekipaža z naziemnymi słužbami, na jakim prahučała adpaviednaja pahroza, i jana moža być rasšyfravanaja i pradastaŭlena, kali spatrebicca.
Napiaredadni viečaram «Biełavija» paviedamiła, što Upraŭleńnie pavietranaha ruchu rajonnaha centra «Kijeŭ» vymusiła pasažyrski Boeing, jaki vylacieŭ z Kijeva ŭ Minsk, viarnucca ŭ aeraport Žulany pad pahrozaj padniać u pavietra źniščalniki.
Jak paviedamiła paźniej ŭkrainskaje vydańnie Strana.ua, samalot byŭ viernuty ŭ aeraport vyletu z-za taho, što na borcie znachodziŭsia «antymajdanaviec» Armien Marcirasian.
Ciapier čytajuć
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić18
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić
I pra realnych bandytaŭ, i pra kryvarukaha Kościu-plitačnika, i pra seks u ciahniku. Žurnalistka z Homiela napisała knihu — čytać jaje strašna i śmiešna55
Kamientary