Za ŭčynieńnie ŭ Stolinskim rajonie DTZ, u jakim zahinuła piensijanierka, zatrymany 36-hadovy kiroŭca hruzavoha aŭtamabila «Ivieka-Turba-Dejli».
Jak paviedamili ŭ adździaleńni pa ahitacyi i prapahandzie DAI UUS Bresckaha abłvykankama, 24 kastryčnika kala 18.20 mužčyna na hruzavym mikraaŭtobusie jechaŭ pa vioscy Karocičy. Abjazdžajučy piešachodaŭ, jakija išli pa abočynie sprava pa chodzie ruchu aŭtamabila, kiroŭca vyjechaŭ na pałasu sustrečnaha ruchu i tam najechaŭ na 62-hadovuju ravarystku. Ź miesca zdareńnia vinavaty ŭ DTZ uciok.
Žančyna ź ciažkimi traŭmami była dastaŭlenaja ŭ Davyd-Haradockuju balnicu, dzie kala 20.40 pamierła. Zahinułaja pražyvała ŭ vioscy Azdamičy.
Vyjaŭlena, što rovar nie abstalavany ŭ adpaviednaści z praviłami darožnaha ruchu, žančyna nie była paznačanaja śviatłoadbiŭnymi elemientami.
U toj ža dzień supracoŭniki DAI zatrymali kiroŭcu «Ivieka» ŭ vioscy Alhomiel pa miescy žycharstva. Pavodle słoŭ aŭtamabilista, u vioscy Karocičy jon vypiŭ sa svaim znajomym butelku harełki. Zatym u stanie ałkaholnaha apjanieńnia sieŭ za rul i źbiŭ žančynu.
Stolinskim rajonnym adździełam Śledčaha kamiteta raspačataja sprava pa č. 4 art. 317 KK (parušeńnie praviłaŭ darožnaha ruchu asobaj, jakaja kiravała transpartnym srodkam u stanie ałkaholnaha apjanieńnia, što paciahnuła pa nieaściarožnaści śmierć čałavieka) i art. 159 KK (pakidańnie ŭ niebiaśpiecy).
Kiroŭca źmieščany ŭ izalatar časovaha ŭtrymańnia.
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary