Starejšaja dačka pieršaha prezidenta Uźbiekistana Isłama Karymava Hulnara pamierła 5 listapada ŭ vyniku atručeńnia, pieradaje infarmacyjny partał «Centr-1» sa spasyłkaj na ananimnuju krynicu.
Pry hetym aficyjnych dadzienych na hety kont ad urada Uźbiekistana nie pastupała.
«44-hadovaja Hulnara Karymava, pa paviedamleńni supracoŭnika Słužby nacyjanalnaj biaśpieki Uźbiekistana, jaki pažadaŭ zastacca nienazvanym, była atručanaja i pamierła 5 listapada. Nočču taho ž dnia jana była pachavana na mohiłkach «Minor» u Taškiencie, a jaje mahiłu zraŭniali ź ziamloj, śćviardžaje jon», — piša vydańnie.
Pa słovach supracoŭnika, jon asabista ŭdzielničaŭ u pracesie pachavańnia Hulnary Karymavaj, a rašyŭsia na telefonnaje intervju z partałam, bajučysia za los jaje dziaciej — syna Isłama i dački Iman, jakija zastajucca ŭ Taškiencie ŭ biaspraŭnym i biezdapamožnym stanoviščy.
Paśla śmierci Isłama Karymava 2 vieraśnia Hulnara i jaje dzieci nie źjavilisia na pachavańniach u Samarkandzie.
Krynica Bi-bi-si, a taksama rasijskija infarmahienctvy abviarhajuć hetuju infarmacyju. Krynicy Interfaksa i ahienctva RIAN paviedamili, što infarmacyja nie adpaviadaje rečaisnaści, ale ŭstrymalisia ad dalejšych kamientaroŭ.
Paviedamleńni, jakija pastupajuć z Uźbiekistana, pravieryć vielmi ciažka, a aficyjnyja krynicy padoŭhu zachoŭvajuć maŭčańnie.
Tak, pieršyja paviedamleńni ab śmierci Isłama Karymava źjavilisia adrazu paśla aficyjnaj zajavy ab jaho špitalizacyi 28 žniŭnia, adnak ułady tolki čas ad času asprečvali paviedamleńni ŚMI, nie ŭdajučysia ŭ padrabiaznaści. Aficyjna pra śmierć uźbiekskaha lidara było abvieščana ŭviečary 2 vieraśnia.
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca1
Kamientary