U 2017 hodzie Respublikanski centr pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa pačnie padavać spažyŭcam bolš detalovyja prahnozy nadvorja, paviedamiła načalnik Hidramieta Maryja Hiermiančuk 5 studzienia na pres-kanfierencyi ŭ Minsku.
Pavodle jaje słoŭ, dla Hidramieta važna, kab spažyviec moh atrymać maksimum karysnaha z padadzienaj infarmacyi dla taho, kab «zaścierahčy siabie, svaich blizkich i abaranić svaju majomaść».
«My detalizujem prahnoz užo z bolšaj dyskretnaściu pa terytoryjach. Na praciahu hoda budziem pierachodzić na novyja vidy prahnozaŭ pa asobnych nasielenych punktach, ciapier havorka idzie pra abłasnyja centry, — raskazała śpiecyjalist. — Kali hetaja praca pojdzie narmalna, to pačniem padavać infarmacyju i pa niekatorych rajonnych centrach».
Jana zaznačyła, što ciapier raspracoŭvajecca novy padychod, jaki dazvolić vydavać štarmavyja papiaredžańni i papiaredžańni ab niespryjalnych i niebiaśpiečnych źjavach nadvorja «jak maha raniej» — da sutak i bolš.
«Śpiecyfika takich źjaŭ zaležyć ad kankretnaha miesca i času, tamu dać zahadzia prahnoz nadzvyčaj składana, — patłumačyła jana. — Tym nie mienš u nas źjavilisia novyja technałohii, jakija my budziem prymianiać».
Pry hetym načalnik Hidramieta adznačyła: pra cykłon «Aksiel», jaki hetymi dniami pryjšoŭ i ŭ Biełaruś, sinoptyki papiaredzili bolš čym za dvoje sutak, što dazvoliła padrychtavacca da niepahadzi darožnym słužbam, MNS, ŽKH i inšym zaležnym ad nadvorja halinam.
«Jana nie ŭ turmie, a na śpiecdačy KDB!» Kanśpirołahi nakinulisia na Kaleśnikavu24
Kamientary