Jak paviedamlaje vydańnie Daily Sabah, palicyja vyličyła, što stralaninu ŭ načnym kłubie ŭ centry Stambuła ŭ noč na 1 studzienia zładziŭ vychadziec z Uźbiekistana Abdułhadzir Mašarypaŭ pa mianušcy Abu Muchamied Charasan, piša rbc.ru.
Palicyja adnaviła ŭsiu karcinu taho, što adbyłosia. Mašarypaŭ uvajšoŭ u načny kłub, dzie śviatkavali Novy hod 800 čałaviek, i vypuściŭ u jaho naviedvalnikaŭ 180 kul. Paśla hetaha jon pajšoŭ na kuchniu, dzie za 13 chvilin pieraapranuŭsia i zdoleŭ niezaŭvažanym pakinuć budynak razam z panikujučymi ludźmi.
Dalej teraryst złaviŭ taksi, dajechaŭ da susiedniaha rajona, dzie vyjšaŭ z mašyny, zajaviŭšy kiroŭcu, što ŭ jaho niama hrošaj. Jak vyśvietliła palicyja, 500 lir jon zabyŭsia ŭ kurtcy, jakuju pakinuŭ na kuchni načnoha kłuba.
Jak pakazvaje vydańnie Olay, mienavita dziakujučy taksistu i ŭdałosia vyśvietlić asobu terarysta. Kamiera vonkavaha nazirańnia prasačyła šlach złačynca ad načnoha kłuba da mašyny, a zatym palicyja znajšła kiroŭcu taksi.
Viadoma, što Mašarypaŭ pryjechaŭ u Stambuł z Konji. Jon naradziŭsia ŭ 1988 hodzie, viedaje tureckuju, arabskuju i ruskuju movy.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary