U Lidskim rajonie pravodziłasia pravierka pa fakcie ŭkusu žyviołaj 2-hadovaha dziciaci. Pra heta BiełTA paviedamiŭ načalnik Lidskaj haradskoj i rajonnaj inśpiekcyi pryrodnych resursaŭ i achovy navakolnaha asiarodździa Alaksiej Hajko.
Da miedykaŭ dastavili 2-hadovaje dzicia sa skarhaj na ŭkusy. Traŭma była nie vielmi surjoznaja: nievialikija paškodžańni huby. Pryčym pastupiła infarmacyja, što ŭkus nanios dziki źvier, mahčyma, janotapadobny sabaka.
«Pravodzili pa dadzienym fakcie pravierku. Baćka dziciaci raspavioŭ, što zaŭvažyŭ paciarpiełuju žyviołu na abočynie. Mužčynu padałosia, što sabaku źbiła mašyna, vyrašyŭ padabrać i advieźci da vieterynara. Pa darozie zajechaŭ dadomu pieraapranucca. Raskazaŭ pra zdareńnie žoncy i dziciaci, pakazaŭ im žyviołu», — adznačyŭ Alaksiej Hajko. Niečakana źvier ažyŭ i ukusiŭ dzicia. Mužčyna zrazumieŭ, što ŭ dapamozie žyvioła nie maje patreby, i vypuściŭ jaje ŭ les. Vyśvietlić, ci byŭ heta zvyčajny sabaka abo janotapadobny, užo nie ŭjaŭlajecca mahčymym.
«U vypadku sustrečy ź dzikaj žyviołaj ni ŭ jakim vypadku nie varta nabližacca da jaje, brać na ruki. Lepš adrazu źviarnucca ŭ kampietentnyja słužby», — skazaŭ Alaksiej Hajko. Jon padkreśliŭ, što ŭ rajonie pracuje kamisija pa akazańni dapamohi dzikim žyviołam, jakija trapili ŭ biadu. U jaje skład uvachodziać pradstaŭniki pryrodaachoŭnych słužbaŭ, lashasaŭ, inśpiekcyj pa achovie raślinnaha i žyviolnaha śvietu, supracoŭniki MNS, vieterynarnyja lekary, pradstaŭniki miascovych orhanaŭ ułady. Raspracavany ałharytm dziejańniaŭ słužbaŭ i padraździaleńniaŭ pa akazańni dapamohi žyviołam. Čaściej za ŭsio sutykacca ŭ svajoj rabocie kamisii davodzicca ź dzikimi lisami, dzikami, časam — i z łasiami, jakija zajšli ŭ nasielenyja punkty.
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary