Naznačany novy hałoŭny trener chakieistaŭ mienskaha «Dynama». Im staŭ paŭnočnaamerykanski specyjalist Džym Chjuz.
Naznačany novy hałoŭny trener chakieistaŭ mienskaha «Dynama». Im staŭ paŭnočnaamerykanski specyjalist Džym Chjuz.
U minułym sezonie jon pracavaŭ asystentam hałoŭnaha trenera ŭ klubie ACHŁ «Taronta Marliz». Da hetaha, z 2001 pa 2003 hod, Džym Chjuz uvachodziŭ u trenerski štab klubu NCHŁ «Bostan Bruinz», a ŭ 2005-2006 hadach uznačalvaŭ kamandu «Mančester Monarchs», jakaja vystupaje ŭ ACHŁ. Jak ihrok novy nastaŭnik minčan vystupaŭ u roznych studenckich klubach, a taksama adzin sezon pravioŭ u Švecyi.
Chutčej za ŭsio, Džym Chjuz dałučycca da «dynamaŭcaŭ» na hetym tydni ŭ Ryzie, dzie jany buduć pravodzić trenirovačny zbor pierad startam debiutnaha sezonu Kantynentalnaj chakiejnaj lihi (KCHŁ). U łatvijskaj stalicy minčanie zhulajuć dva kantrolnyja matčy: 4 žniŭnia – z ryskim «Dynama», a 6 žniŭnia – z kazachstanskim «Barysam» z Astany. Hetyja kamandy taksama rychtujucca da startu ŭ KCHŁ.
Kamientary