Niamiecki ŭrad u sieradu ŭchvaliŭ ŭviadzieńnie štrafaŭ na sumu da 53 młn dalaraŭ suprać sacyjalnych sietak, jakija nie buduć vydalać paviedamleńni i fejkavyja naviny, jakija raspalvajuć nianaviść, paśla skarhaŭ karystalnikaŭ.
«Złačynstva na hlebie nianaviści, ź jakimi niedastatkova efiektyŭna zmahajucca, ujaŭlajuć vielizarnuju niebiaśpieku dla mirnaha adzinstva svabodnaha, adkrytaha i demakratyčnaha hramadstva», — cytuje VVS zajavu kabinieta ministraŭ.
Z tych časoŭ jak u Hiermaniju ŭ 2015 hodzie prybyło bolš za miljon mihrantaŭ, kolkaść raspalvajučych varožaść napadak u sacyjalnych sietkach vyrasła ŭ šmat razoŭ.
Urad niekalki razoŭ papiaredžvaŭ internet-kampanii, što jany niedastatkova efiektyŭna zmahajucca z padobnym kantentam.
Akramia taho, u vieraśni hetaha hoda ŭ Hiermanii projduć vybary. Mnohija niamieckija palityki aścierahajucca, što pierad vybarami ŭ sacyjalnych sietkach źjavicca mnostva łžyvaj infarmacyi.
U vypadku, kali zakonaprajekt atrymaje ŭchvaleńnie parłamienta, u sacsietak budzie tolki 24 hadziny paśla pastupleńnia skarhi, kab vydalić dopisy, jakija adkryta parušajuć niamiecki zakon.
Zakonaprajekt, uchvaleny kabinietam ministraŭ, taksama tyčycca dziciačaj parnahrafii i dziejnaści, źviazanaj z teraryzmam, u internecie.
U Hiermanii ŭžo dziejničaje adzin z samych žorstkich u śviecie zakonaŭ ab ahresiŭnaj rytorycy, jaki tyčycca raspaŭsiudžvańnia źnievažalnych źviestak, paklopu, padbuchtorvańniaŭ i pahroz.
Ciapier čytajuć
Udava Mikity Miełkaziorava ŭpieršyniu publična raskazała pra noč jaho śmierci6
Udava Mikity Miełkaziorava ŭpieršyniu publična raskazała pra noč jaho śmierci
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA77
Kamientary