Bresckaja milicyja vyviešvaje ŭ pastarunkach partrety «niedarmajedaŭ», jakich pakarali sutkami FOTA
Na adnym ź infarmacyjnych stendaŭ u adździaleńni bresckaj transpartnaj milicyi źjaviŭsia stend z fotazdymkami ŭdzielnikaŭ «maršaŭ niedarmajedaŭ».
Niekalki dabrazyčliŭcaŭ dasłali Andreju Šarendzie dy inšym ludziam, što akazalisia pad uvahaj pravaachoŭnikaŭ, infarmacyju pra hety stend z papiaredžańniem być bolš abačlivymi, paviedamlajuć pravaabaroncy-«viasnoŭcy».
«Jašče pierad 25 sakavika da mianie dachodziła infarmacyja pra toje, što pa ŭsich RAUSach i apornych punktach milicyi ŭ Breście razasłany niejki śpis na zatrymańnie i dahlad.
Nakolki ja viedaju, za tymi ludźmi, jakija źmieščanyja na fatazdymku, milicyjanty i ludzi ŭ cyvilnym ŭvažliva sačyli dy čakali pad domam milicyjanty», — raspavioŭ «viasnoŭcam» Andrej Šarenda.
Na razdrukavanym liście fotazdymki lidaraŭ Maršaŭ: Alaksandr Kabanaŭ, Natalla Papkova, jakija byli pakaranyja sutkami, a taksama bresckija chłopcy-anarchisty.
«Heta nie maje ničoha ahulnaha z pravam i zakonam, a prosta «palavańnie na viadźmarak». Hetyja ludzi adbyli svaje aryšty i atrymali svaje štrafy za ŭdzieł u akcyjach, albo byli zatrymanyja previentyŭna ŭ suviazi z hramadzkaj aktyŭnaściu. Vyviešvać ža ich na stend i karać pa nadumanych pryčynach — prosta supraćpraŭna. Spadziajusia, na takija vypadki adreahuje prakuratura, u jakuju my płanujem źviarnucca pa hetym fakcie, i takaja haniebnaja praktyka spynicca», — adznačyła pravaabaronca Nasta Łojka.
Praŭda, bresckaja milicyja abviarhaje infarmacyju pra zdymki. Pa słovach pres-słužby UUS Bresckaha abłvykankama, ni ŭ adnym z adździaleńniaŭ transpartnaj milicyi Bresta niama padobnych fotazdymkaŭ na infarmacyjnych stendach.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary