Navukoŭcy patłumačyli źjaŭleńnie Kryvavaha vadaspadu ŭ Antarktydzie
Vada ŭ Kryvavy vadaspad moža pastupać ź vialikaj krynicy salonaj vady, uzrost jakoj pieravyšaje miljon hadoŭ. Navukovaja praca ab hetym apublikavanaja ŭ časopisie Journal of Glaciology, koratka pra adkryćcio paviedamlaje Tut.by ca spasyłkaj na časopis Discover.
Kryvavy vadaspad — heta imia krynicy, jakaja vyciakaje ź ledavika Tejłara va Uschodniaj Antarktydzie. Jon atrymaŭ svaju nazvu z-za taho, što čas ad času vykidvaje bahatuju žalezam salonuju vadu. Pry kantakcie žaleza z pavietram vada stanovicca ciomna-čyrvonaj.
Kamanda amierykanskich navukoŭcaŭ vyvučyła, adkul biarecca hetaja «kroŭ». Jany atačyli ledavik admysłovymi radarami, kab prasačyć šlach patoku pad płastom lodu z dapamohaj vysokačastotnych radyjochvalaŭ.
Vyśvietliłasia, što salonaja vada pastupaje na pavierchniu praz raskolinu ź vialikaha reziervuara marskoj vady, raźmieščanaha pad ledavikom. Daśledčyki vykazali zdahadku, što miljony hadoŭ tamu jon byŭ nakryty ledavikom i adrezany ad akijana.
Jašče adno adkryćcio — toje, što vada tak doŭha zastavałasia vadkaj pry admoŭnaj tempieratury. Salonaja vada zamiarzaje prykładna pry -7°S, tempieratura samoha ledavika prykmietna nižejšaja — kala -17°S.
Hetuju niestykoŭku, na dumku śpiecyjalistaŭ, možna rastłumačyć samoj pryrodaj zamiarzańnia. Kali vada zamiarzaje, jana vyłučaje ciapło, jakoje sychodzić u navakolny lod. Na dumku aŭtaraŭ pracy, hety praces moh padniać tempieraturu ŭnutry ledavika na dziesiać hradusaŭ, nieabchodnych dla padtrymańnia patoku vady.
Kamientary