Sirata z Barysava choča zastacca za akijanam lubym koštam.
U departamencie pa humanitarnaj dziejnaści Upraŭleńnia spravami prezydenta i MZS Biełarusi nie vałodajuć infarmacyjaj ab tym, što 16‑hadovaja biełaruska Taciana Kazyra, jakaja znachodziłasia na azdaraŭleńni ŭ San‑Francyska, padała dakumenty ŭ imihracyjnuju słužbu ZŠA dla pradaŭžeńnia haściavoj vizy.
Namieśnik dyrektara departamentu Leanid Čaŭka paviedamiŭ, što takaja infarmacyja nie pastupała. «My raźbirajemsia ŭ hetaj sytuacyi. Adnak tut dačasnych vysnoŭ rabić nie varta. Treba razabracca, što pasłužyła pryčynaj takoha rašeńnia, ci byli ŭ dziaŭčyny prablemy ŭ siamji, i naohuł, što zdaryłasia ŭ ZŠA, što takoje rašeńnie było pryniataje», — skazaŭ Ł. Čaŭka.
Načalnik adździeła pres‑słužby ŭpraŭleńnia infarmacyi Ministerstva zamiežnych spraŭ Maryja Vańšyna taksama paviedamiła, što ab takim rašeńni dziaŭčyny ŭ MZS pakul nieviadoma.
Nahadajem, 5 žniŭnia hrupa z 25 biełaruskich dziaciej pavinna była vylecieć u Minsk z San‑Francyska. Da pryznačanaha času ŭ aeraport nie prybyła hramadzianka Biełarusi 1991 hoda naradžeńnia Taciana Kazyra. Paźniej amerykanskaje vydańnie The Press Democrat paviedamiła, što jana padała dakumenty ŭ imihracyjnuju słužbu dla pradaŭžeńnia haściavoj vizy i moža zastavacca ŭ ZŠA, kab dačakacca rašeńnia ŭładaŭ.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary