U suviazi z sumnievami nakont taho, ci nie parušyć praviły Suśvietnaj handlovaj arhanizacyi (SHA) imknieńnie Litvy nakłaści embarha na elektraenierhiju ź Biełaruskaj AES u Astraŭcy, premjer krainy Saŭlus Skviernialis zapeŭnivaje, što dziaržava harantuje, kab elektraenierhija ź niebiaśpiečnych stancyj nie traplała ŭ krainu.
U apublikavanym u sieradu intervju namieśnik staršyni Jeŭrakamisii adkazny za enierhietyku Maraš Šiefčavič, jaki znachodzicca ź vizitam u Litvie, zajaviŭ, što ŭnutry Jeŭrasajuza nielha zabaranić impart elektraenierhii, što vyrablajecca na AES, a zabarona na impart atamnaj enierhii z trecich krain pavinna atrymać acenku z ulikam ustanovak Suśvietnaj handlovaj arhanizacyi.
U adkaz na pytańnie pra toje, ci nie značyć heta, što imknieńnie Litvy błakavać elektraenierhiju pacierpić fijaska, S. Skviernialis skazaŭ: «nasamreč nie». Pa słovach premjera, Litva zabiaśpiečyć, kab elektraenierhija z Astraŭca nie trapiła na rynak.
Skviernialis skazaŭ, što nieabaviazkova ŭ maštabie ES zabaraniać ekspart, dastatkova, kab hetaja elektraenierhija nie traplała praź niekalki krain.
U sieradu prezident Litvy Dala Hrybaŭskajcie i ministr enierhietyki Žyhimonta Vajčunas vykazali pierakanańnie, što imknieńnie Litvy bajkatavać elektraenierhiju z Astraŭca źviazana ź intaresami nacyjanalnaj biaśpieki i nie budzie supiarečyć praviłam SHA.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty15
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary