У сувязі з сумневамі наконт таго, ці не парушыць правілы Сусветнай гандлёвай арганізацыі (СГА) імкненне Літвы накласці эмбарга на электраэнергію з Беларускай АЭС у Астраўцы, прэм'ер краіны Саўлюс Скверняліс запэўнівае, што дзяржава гарантуе, каб электраэнергія з небяспечных станцый не трапляла ў краіну.
У апублікаваным у сераду інтэрв'ю намеснік старшыні Еўракамісіі адказны за энергетыку Мараш Шефчавіч, які знаходзіцца з візітам у Літве, заявіў, што ўнутры Еўрасаюза нельга забараніць імпарт электраэнергіі, што вырабляецца на АЭС, а забарона на імпарт атамнай энергіі з трэціх краін павінна атрымаць ацэнку з улікам установак Сусветнай гандлёвай арганізацыі.
У адказ на пытанне пра тое, ці не значыць гэта, што імкненне Літвы блакаваць электраэнергію пацерпіць фіяска, С. Скверняліс сказаў: «насамрэч не». Па словах прэм'ера, Літва забяспечыць, каб электраэнергія з Астраўца не трапіла на рынак.
Скверняліс сказаў, што неабавязкова ў маштабе ЕС забараняць экспарт, дастаткова, каб гэтая электраэнергія не трапляла праз некалькі краін.
У сераду прэзідэнт Літвы Даля Грыбаўскайце і міністр энергетыкі Жыгімонта Вайчунас выказалі перакананне, што імкненне Літвы байкатаваць электраэнергію з Астраўца звязана з інтарэсамі нацыянальнай бяспекі і не будзе супярэчыць правілам СГА.
Цяпер чытаюць
ЗША паведамілі, што вызваленне палітвязняў у Беларусі «адкладзенае на некаторы час»22
Каментары