Top-5 mistyčnych vynachodnictvaŭ čałaviectva, jakija vy nikoli nie ŭbačycie
Dziakujučy vynachodnikam isnuje naša cyvilizacyja. Z tych samych časoŭ, jak ludzi navučylisia apracoŭvać kamiani i vykarystoŭvać ahoń, hod za hodam, tysiačahodździe za tysiačahodździem našaje žyćcio stanovicca ŭsio bolš prostym i kamfortnym. Ale nie ŭsim vynachodnictvam nakanavana ŭbačyć śviet. My padrychavali piaciorku najbolš cikavych pryładaŭ i technałohij, jakija nie znajšli padtrymki ŭ hramadstvie. Vieryć u ich isnavańnie, ci nie — sprava vaša. Ale chiba cikava žyć bieź viery?
Biaspłatnaja enierhija
Nikoła Tesła nikoli nie byŭ žanaty, spaŭ pa dźvie hadziny ŭ sutki i vałodaŭ vaśmiu movami. Heta najbolš viadomyja fakty pra vydatnaha sierbska-amierykanskaha fizika. Ale mała chto viedaje, što Nikoła Tesła ledź nie źmianiŭ suśvietnuju ekanomiku, prydumaŭšy sposab biespravadnoj pieradačy elektryčnaści. Niahledziačy na dobraje finansavańnie prajekta, łabaratoryja z pratatypam była zahadkava spalenaja, u čym šmat chto znajšoŭ dokaz teoryi suśvietnaje zmovy.
A ŭ kancy XX stahodździa źjaviłasia hipoteza pra suviaź Tesły z padzieńniem Tunhuskaha mietearytu. Pavodle hetaj hipotezy, u dzień nazirańnia Tunhuskaha fienomiena (30 červienia 1908 hoda) Tesła jakraz pravodziŭ vopyt pa pieradačy enierhii «pa pavietry».
Pryłada dla vyklikańnia daždžu
Doŭhija zasuchi zaŭsiody byli vialikimi prablemami, asabliva dla tych rehijonaŭ, dzie sielskaja haspadarka składaje asnoŭnuju častku ekanomiki. Napačatku XX stahodździa Vilhielm Rejch, navukoviec, jaki zaŭvažyŭ zasuchu, što źniščała ŭradžaj čarnic u štacie Men, stvaryŭ pryładu, jakaja atrymała nazvu Cloudbuster.
Pavodle paviedamleńnia vydańnia Bangor Daily News, u jakim upieršyniu apisvałasia praca hetaj mašyny, na momant jaje startu nie było nijakich prahnozaŭ adnosna mahčymych apadkaŭ. Na praciahu niekalkich hadzin paśla taho, jak Rejch ustalavaŭ i zapuściŭ mašynu, źjavilisia štarmavyja abłoki i vypała 0,64 santymietra daždžu.
Pa nieviadomych pryčynach dalejšaja raspracoŭka hetaje pryłady była zhornutaja, a zaraz reštki adnoj z raspracavanych pryładaŭ Sloudbuster možna znajści ŭ Renhieli, štat Men.
Pryłada dla lekavańnia raku
U 1934 hodzie Rajmand Rajf stvaryŭ mašynu dla baraćby z rakam. U toj čas rak ličyŭsia rodnasnym virusu. Tamu Rajf stvaryŭ łazierny pramień, zdolny atakavać peŭnyja infikavanyja kletki i źniščać ich.
U toj ža čas hetaja teoryja i mietodyka lačeńnia raka pahražała finansavym intaresam vialikaj kolkaści navukoŭcaŭ, miedykaŭ i farmaceŭtyčnaj pramysłovaści.
Była zapuščanaja kampanija pa dyskredytacyi dasiahnieńnia. Navukoŭcy, jakija vykarystoŭvali novuju technałohiju, byli vymušany spynić praktyku. Za aŭtaram navukovaha dakładu, apublikavanaha ŭ Śmitsanaŭskim instytucie, pačali sačyć, jon atrymlivaŭ pahrozy pa telefonie, a zatym byŭ abstralany za rulom svajho aŭtamabila.
Bolš padrabiazna pra hetuju revalucyjnuju pryładu možna daviedacca tut.
Ličbavy kod Słoata
Pry dapamozie technałohii hałandskaha vynachodnika Jana Słoata elektronnyja dadzienyja (filmy, muzyku i h.d.) možna było istotna ŭščylnić. Uzor, jaki adnačasova testavaŭ i pradavaŭ jaho vynachodnictva, ujaŭlaŭ saboj ścisnuty da 8 kiłabajt poŭnamaštabny film.
Sam ałharytm pracesu rasšyfroŭki zajmaŭ 370 miehabajt. Słoat zdoleŭ prademanstravać pośpiech svajho prajekta, adnačasova prajhraŭšy 16 poŭnych filmaŭ z adnaho 64-kiłabajtavaha čypa.
Słoat pamior pry padazronych abstavinach za niekalki dzion da pieradačy zychodnaha koda inviestaram.
Supierizalacyjny materyjał Starlite
Materyjał Starlite Morysa Uorda moža razhladacca jak stračanaje vynachodnictva. Jon za 20 ź lišnim hadoŭ ni z kim nie padzialiŭsia svaim sakretam, i nichto tak i nie zmoh paŭtaryć jaho. Starlite źjaŭlajecca adnym ź vidaŭ płastyka z vydatnymi izalacyjnymi ŭłaścivaściami, jaki moža vytrymać praktyčna lubuju tempieraturu. Tonki kavałak materyjału moh vytrymać 10 000°C (heta amal udvaja haračej za pavierchniu Sonca).
Hety materyjał staŭ šyroka viadomy ŭ 1993 hodzie, kali jaho pakazali na telešou. Vučony na praciahu niekalkich chvilin nahravaŭ pajalnoj lampaj jajka, jakoje było pakryta vielmi tonkim płastam Starlite. Zatym jajka ačyścili i vyjavili, što białok zastaŭsia syrym.
Heta vynachodnictva mahło prynieści miljardy dalaraŭ, ale Starlite vielmi chutka tajamniča źnik z pola zroku.
Svajak Viktara Łukašenki zajmaje vysokija pasady ŭ KDB. Heta vyśvietliłasia, kali zabrali budynak dziciačaj palikliniki9
Kamientary