Siońnia ŭ Prazie ceły dzień buduć havaryć pra Skarynu. Adbuducca Mižnarodny navukovy simpozijum, uskładańni kvietak da pamiatnaj doški na budynku Słavianskaj biblijateki i na miescy druku pieršaj biełaruskaj Biblii, adkryćcio dźviuch mastackich vystavaŭ, pryśviečanych Skarynu.
Mižnarodny simpozijum «Francišak Skaryna i Praha» arhanizavali Nacyjanalnaja biblijateka Čechii, Nacyjanalnaja biblijateka Biełarusi i ambasada Biełarusi ŭ Prazie. U im biaruć udzieł navukoŭcy ź Biełarusi, Litvy i Čechii.
Kvietki da pamiatnaj doški Francišku Skarynu razam z udzielnikami simpozijumu ŭskładzie ministr zamiežnych spraŭ Biełarusi Uładzimir Makiej. 16 červienia ŭ jaho zapłanavanyja pieramovy ź ministram zamiežnych spraŭ Češskaj Respubliki Łubamiram Zaarałkam.
U budynku byłoha kalehijuma jezuitaŭ u Prazie, dzie ciapier znachodzicca Nacyjanalnaja biblijateka Čechii, adkryjucca i dźvie mastackija vystavy, pryśviečanyja Skarynu.
Padčas adkryćcia vystavy biełaruskaj hrafiki, u jakoj biaruć udzieł mastaki Uładzimir Višnieŭski, Valery Słavuk i Raman Sustaŭ, adbudziecca ŭračystaja pieradača knih šmattamovaha faksimilnaha prajekta «Knižnaja spadčyna Skaryny», jaki vyjšaŭ u Minsku, u fondy Nacyjanalnaj Biblijateki Českaj Respubliki — Słavianskaj biblijateki.
Druhaja mastackaja vystava arhanizavanaja Biblijatekaj Urubleŭskich Litoŭskaj akademii navuk, Słavianskaj biblijatekaj Čechii i ambasadaj Litvy ŭ Prazie. Abiedźvie vystavy praciahnucca dva tydni.
Svajak Viktara Łukašenki zajmaje vysokija pasady ŭ KDB. Heta vyśvietliłasia, kali zabrali budynak dziciačaj palikliniki9
Kamientary