Źmianiajuć raskłady 85 maršrutaŭ, źjaŭlajucca 2 novyja, časova skaračajucca, źmianiajucca abo skasoŭvajucca maršruty ŭ rajonie vulic Kupały, Ščorsa dy praspektu Puškina.
1. Źmiena raskładaŭ
Z 1 vieraśnia mianiajucca raskłady
na saraka aŭtobusnych maršrutach:
11, 15, 21, 27, 28, 29, 30, 30d, 33, 43d, 45, 47, 56, 57, 64, 70, 72, 74, 75, 80, 81š, 84d, 84, 87, 88, 90, 92, 96, 96d, 101, 106, 107, 113, 119, 120, 130, 139, 158, 188, 542.
na saraka dvuch tralejbusnych maršrutach:
3, 3d, 4, 5, 9, 10, 13, 15, 16, 16d, 17, 17d, 18, 20, 23, 24, 26, 27, 29, 30, 31, 33, 34, 36d, 36, 38, 40, 41d, 41, 42, 43, 44, 45, 46, 49, 50, 51, 57, 59, 60, 61, 63.
na troch tramvajnych maršrutach:
3,6,7.
Źmieny ŭ raskładach robiacca ŭ čakańni pavieličeńnia kolkaści pasažyraŭ dy pavieličeńnia abjomaŭ pieravozak.
Źvierycca z novymi raskładami možna budzie na sajcie «Minsktransu» dy infarmacyjnych šyldach na prypynkach.
2. Novyja aŭtobusnyja maršruty
Studentam, što žyvuć u internatach na vulicy Kurčatava ŭ Hai, stanie łaćviej dabiracca da miesca vučoby ŭ novy korpus BDU na Kalvaryjskaj.
1 vieraśnia pa pakručastym maršrucie — z Družnaj praz Suraskuju, Maskoŭskuju, Niezaležnaści, Haradzki Vał na Kalvaryjskuju, a tady pa Cetkin, Dziaržynskaha — na Kurčatava da «Filijału BDU» puściać novy maršrut № 132.
A novy — 147‑my — maršrut dla žycharoŭ Brylevičaŭ naadvarot — bieź nivodnaj pavarotki. Jon źviaža małady mikrarajon z Malinaŭkaj, a značyć — paliklinikaj, telefonnaj stancyjaj, kirmašom dy inšymi sacyjalnymi abjektami, jak što svaich u Brylevičach pakul vobmal. Ad Malinaŭki‑4 aŭtobus pojdzie pa vulicy Jasienina i jejnym praciahu ŭ Brylevičach — novaj vulicy Jana Čačota.
3. Časovyja źmieny dy admieny maršrutaŭ
Ramont na Ščorsa — tralejbusy 12 i 23.
23 i 24 žniŭnia nia buduć pracavać tralejbusnyja maršruty № 12 i 23. Zamiest hetaha pa maršrucie 23‑ha tralejbusu puściać časovy aŭtobus № 163.
Z 25 da 30 žniŭnia 12‑ty tralejbus nia budzie zavaročvać ź Dziaržynskaha na Ščorsa dy Lermantava, a pojdzie roŭna pa praspekcie Dziaržynskaha z razvarotam na kalcy nad praspektam Žukava.
Ramont na Kupały — tralejbusy 29 i 40, aŭtobusy 24 i 57.
23 i 24 žniŭnia la skryžavańnia z Bahdanoviča budzie zakrytaja na ramont vulica Kupały.
U abjezd pojduć:
- tralejbus 40 — pa Bahdanoviča, Banhałor i Arłoŭskaj
- tralejbus 29 — pa Bahdanoviča, Banhałor, Surhanava
- aŭtobus 24 — pa Bahdanoviča, Mašerava (b. Varvašeni), Kujbyšava
- aŭtobus 57 — pa Bahdanoviča, Kisialova, Kujbyšava — na vulicu Kupały
Na čas ramontu pavialičać kolkaść mašyn na aŭtobusnym maršrucie №24 i tralejbusnych — 22 i 40.
Ramont na Puškina — tralejbusy 10, 14, 21, 33, 38, 39, 54, 55, 58
Z 23 da 26 žniŭnia, a paśla z 30 žniŭnia da 2 vieraśnia na praspekcie Puškina miž vulicami Prytyckaha j Cimirazieva buduć pierarablać inžynernyja sietki. U hety čas maršruty tralejbusaŭ źmieniacca na nastupnyja:
- № 10 «DS Siamaški» — stancyja metro «Puškinskaja»
- №14 «Haradzki Vał» — «DS Viaśnianka»
- № 33 «DS Dražnia» — Druhoje Kalco
- № 38 «DS Słavinskaha» — Druhoje Kalco
- №39 «DS Paŭdniovy Zachad» — stancyja metro «Puškinskaja»
- №55 «DS Adojeŭskaha» — stancyja metro «Puškinskaja»
- №58 «Babrujskaja» — «DS Viaśnianka»
Tralejbusnyja maršruty №21 (z Masiukoŭščyny da Centru tenisu) i №54 (z Masiukoŭščyny da Zaparoskaj płoščy) na hety čas skasujucca.
Žycharam Masiukoŭščyny ŭviaduć časovy 164‑ty aŭtobusny maršrut da Centru Tenisu: pa Alšeŭskaha, Puškina, Arłoŭskaj, Pieramožcaŭ, Sapioraŭ, Cimirazieva, Puškina, Alšeŭskaha.
Ad «Puškinskaj» stancyi pa praspekcie Puškina da praspektu Pieramožcaŭ možna budzie dajechać na časovym aŭtobusie №168.
Kamientary