Na vyspy Karybskaha basiejna, a taksama paŭdniova-ŭschodniaje ŭźbiarežža ZŠA nasoŭvajecca ŭrahan «Irma», jaki nazyvajuć samym mahutnym urahanam u Atłantycy za apošniaje dziesiacihodździe.
Urahan užo dasiahnuŭ piataj, maksimalnaj katehoryi — jon macniej za ŭrahan «Charvi», jaki raniej abrynuŭsia na ŭźbiarežža Techasa i pryvioŭ da katastrafičnaj pavodki.
Urahan takoj siły lohka moža zryvać razburać i raźbivać šyby, a taksama vydzirać palmy i pieratvarać ich u snarady, jakija mohuć zabivać ludziej. Jak adznačajuć śpiecyjalisty, pa miery prasoŭvańnia ŭrahan budzie tolki nabirać moc.
Prezident ZŠA Donald Tramp abviaściŭ režym nadzvyčajnaha stanovišča ŭ štacie Fłaryda i na zamorskich amierykanskich terytoryjach u Puerta-Ryka i na Virhinskich vyspach.
Chutkaść vietru ŭ centry ŭrahanu dasiahaje 300 km/h. U ciapierašni čas ŭrahan, jaki ŭźnik u centralnaj častcy Atłantyčnaha akijana, prachodzić niepadalok ad Małych Antylskich vyspaŭ.
Raniej papiaredžańnie ab urahanie było vypuščana dla Antyhua i Barbuda, Sent-Kits i Nevis, vyspaŭ Anhilja i Mantsierat, Sen-Marten, Sien-Bartełemi i Durha.
Mnohija aeraporty zakrytyja, avijakampanii albo admianili rejsy, albo prymajuć rašeńnie pa faktyčnaj nadvorji ŭ punkcie pryznačeńnia.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary