Turcyja aryštavała tureckaha hramadzianina, supracoŭnika konsulstva ZŠA. Vašynhton u adkaz spyniŭ vydaču viz hramadzianam Turcyi.
U aŭtorak Dziarždepartament ZŠA vykazaŭ hłybokuju zakłapočanaść aryštam supracoŭnika svajoj ambasady
«My byli vielmi rasčaravanyja tym, što ŭłady Turcyi aryštavali naniataha na miescy supracoŭnika našaha pasolstva», — skazała pradstaŭnica Dziarždepa na bryfinhu, cytujuć infarmacyjnyja ahienctvy.
Pavodle jaje słoŭ, «hałoŭnaje pytańnie tureckamu ŭradu zaklučajecca ŭ tym, što adbyvajecca i čaho jany chočuć damahčysia».
«Hetyja dziejańni vielmi tryvožać nas, my zaniepakojenyja situacyjaj, jakaja skłałasia», — skazała jana.
Supracoŭniku amierykanskaha hienkonsulstva ŭ Stambule Mietynu Tapuzu vystavili abvinavačvańni ŭ suviaziach z putčystami, jakija letaś sprabavali ažyćciavić dziaržaŭny pieravarot.
Usiaho ŭ Turcyi pa hetaj spravie aryštavanyja dziasiatki tysiač ludziej, sotni tysiač stracili pracu.
Aryšt supracoŭnika konsulstva — nie pieršy kanflikt miž Turcyjaj i ZŠA, a taksama Jeŭrasajuzam. Mocna pahoršali adnosiny Turcyi ź Niamieččynaj. U toj ž čas Ankara zbližajecca z Maskvoj.
Va ŭnutranaj palitycy prezident Erdahan ad madeli «musulmanskaj demakratyi», jakoj trymaŭsia na pačatku svajho kiravańnia, pierajšoŭ da aŭtarytarnaj madeli.
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary