Na realizacyju inviestycyjnaj prahramy Minska ŭ IV kvartale płanujecca nakiravać 282 młn rubloŭ, paviedamiŭ siońnia na apieratyŭnaj naradzie ŭ meryi staršynia kamiteta pa budaŭnictvu i inviestycyjach Minharvykankama Dźmitryj Hurynienka, pieradaje BIEŁTA.
Asnoŭnyja srodki praduhledžanyja na budaŭnictva treciaj linii mietro (kala 46 młn rubloŭ), budynkaŭ kliničnaha miedycynskaha centra ŭ rajonie vioski Ždanovičy (12,5 młn rubloŭ), centra alimpijskaj padrychtoŭki pa mastackaj himnastycy (kala 22 młn rubloŭ), rekanstrukcyju stadyjona «Dynama» (37 młn rubloŭ).
U śfiery achovy zdaroŭja i raźvićcia transpartnaj infrastruktury buduć prafinansavanyja raboty pa rekanstrukcyi karpusoŭ ankałahičnaha dyspansiera, 4-j i 5-j haradskich kliničnych balnic, budaŭnictva pieršaha haradskoha transpartnaha kalca i paŭdniovaj mahistrali 3-ha haradskoha transpartnaha kalca da vulicy Dzianisaŭskaj.
«Staić zadača zabiaśpiečyć da kanca hoda ŭvod karpusoŭ ankałahičnaha dyspansiera i 4-j haradskoj kliničnaj balnicy», — adznačyŭ Dźmitryj Hurynienka.
U studzieni-vieraśni ŭ stalicy pa inviestycyjnaj prahramie horada asvojena 549 młn rubloŭ, ź jakich 410 młn rubloŭ nakiravanyja na budaŭniča-mantažnyja pracy. U cełym abjom biudžetnaha finansavańnia prajektaŭ na 2017 hod vyznačany ŭ pamiery 735 młn rubloŭ. U prahramu ŭklučana bolš za 390 abjektaŭ budaŭnictva, atrymalnikami srodkaŭ vyznačanyja 44 arhanizacyi.
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1313
Kamientary