Na konkurs lahatypaŭ, jaki byŭ abvieščany BASam 18 krasavika było dasłana kala 20-ci varyjantaŭ. U vyniku doŭhich dyskusijaŭ BASaŭcy abrali prapanovu ad Reklamnaj hrupy «Adliha». Pieramožca atrymaje abiacany pryz (650 złotych) na samim festyvali, jaki ŭ hetym hodzie tradycyjna projdzie 21-22 lipienia ŭ Haradku (Polšča).
Staršynia Biełastockaha BAS Radek Dambroŭski prakamentavaŭ dla studenty.by, jak adbyvaŭsia praces vybaru lahatypu:
- Chacia dasłanych prapanovaŭ było šmat, nia ŭsie adpaviadali praviłam konkursu, mnohija dasyłali tolki plakat. Mienš było prajektaŭ, jakija ŭklučali adrazu lahatyp, majku, značak i plakat, a ŭ nas mienavita takija byli patrabavańni.
Abrali prapanovu ad «Adlihi», paśla doŭhich mierkavańniaŭ i razmovaŭ. Pierakonvali adzin adnaho, doŭha nie było zhody, ale ŭrešcie, u šyrejšym kole, čym spačatku, amal adzinahałosna pryniali hety lahatyp. Jaho plusy, na naš pohlad, takija: pryciahvaje ŭvahu i abudžaje fantaziju hledača, u im kožny moža ŭbačyć niešta svajo.
Arhanizatary abiacajuć, što ŭ sioletniaj prahramie BASOVIŠČA budzie šmat novaŭviadzieńniaŭ. Zaraz idzie padrychtoŭka da adboračnaha turu, jaki adbudziecca ŭ Miensku 9 červienia. Jaho arhanizacyjaj zajmajucca Creative Community Studenty.by i internet-partał «Tuzin Hitoŭ»
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek4
Kamientary