5 listapada ŭ siami haradach Rasiei palicyja zatrymlivała ludziej na centralnych vulicach. U Maskvie pravaachoŭniki zatrymali nie mienš za 263 asoby. Prytym hetyja ludzi ničoha nie skandavali i nie mieli transparantaŭ. Zatrymańni byli previentyŭnyja. Hetyja zachady mieli sarvać ni mnoha ni mała sprobu pavalić Uładzimira Pucina.
Rasijski palityk Viačasłaŭ Malcaŭ zaklikaŭ raspačać 5 listapada novuju rasijskuju revalucyju. Jon prapanoŭvaŭ svaim prychilnikam vyjści na vulicy ŭ niadzielu i nie sychodzić ź ich, pakul režym Uładzimira Pucina nie padzie.
Členaŭ ruchu Malcava «Artpodhotovka» pačali zatrymlivać ŭ roznych haradach Rasii z kastryčnika. Arhanizacyju pryznali ekstremisckaj, niekatorych jaje ŭdzielnikaŭ abvinavačvajuć u teraryźmie i vyrabie kaktejlaŭ Mołatava.
4 listapada ŭ Maskvie zabaranili «Ruski marš», a pierad tym prajšli pieratrusy i zatrymańni lidaraŭ tak zvanaj «Partyi nacyjanalistaŭ».
53-hadovy Viačasłaŭ Malcaŭ — pravanacyjanalistyčny palityk z Saratava. Jon zaklikaje «pasadzić cara na koł» i vajuje z hiejami. Za nieardynarnaść palityčnaj płatformy jaho nazyvajuć «žyrynoŭskim rasijskaj apazicyi». U lipieni, paśla taho jak nad im navisła pahroza aryštu, jon emihravaŭ z Rasii ŭ Francyju.
Aryšty 5 listapada pakazvajuć, što ŭ Rasii narastaje bradžeńnie rozumaŭ.
Ciapier čytajuć
Na «hulni Mackieviča» nie było Cichanoŭskaj, Łatuški, Cichanoŭskaha. Babaryka i Kaleśnikava adjazdžali, ale viarnulisia7
Na «hulni Mackieviča» nie było Cichanoŭskaj, Łatuški, Cichanoŭskaha. Babaryka i Kaleśnikava adjazdžali, ale viarnulisia
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary