Źjavilisia stylovyja šaŭkovyja chustki na matyvy malavanych dyvanoŭ Aleny Kiš
Ukrainka Aksana Ciplićka i biełaruska Maryna Achmiedava natchnilisia malavanymi dyvanami ci prosta malavankami Aleny Kiš i zadalisia metaj stvaryć novy brend — «Muraška Adziennie».
Mastačka Alena Kiš naradziłasia ŭ kancy 19 stahodździa ŭ vioscy Ramanava Słuckaha pavieta. Jana była samavučkaj i razmaloŭvała dyvany, jakija paśla ŭpryhožvali chaty ziemlakoŭ. Pryčym rabiła heta nie za hrošy — za ježu. Ulubionym jaje siužetam byli fantazii na temu «raj na ziamli».
Praŭda, raj tak i nie zdaryŭsia. U 60 hadoŭ [pa inšych źviestkach — u 53 hady] ad hoładu i rospačy Alena skončyła žyćcio samahubstvam — kinułasia ŭ raku. Tvorčaść mastački pryznali tolki paśla jaje śmierci, u 1978 hodzie, kali dziakujučy mastaku Uładzimiru Basałyhu jaje dyvany źjavilisia na respublikanskaj vystavie.
Siońnia značnaja častka prac Kiš zachoŭvajecca ŭ archivach Zasłaŭskaha historyka-kulturnaha muzieja, ale pry hetym sama jaje tvorčaść daśledavanaja mała. Zaŭvažyŭšy hetuju niespraviadlivaść, ukrainka Aksana Ciplićka i biełaruska Maryna Achmiedava vyrašyli dać kazačna-ekzatyčnym siužetam druhoje žyćcio.
«Adna ź pieršych vystaŭ, na jakuju ja trapiła ŭ Minsku, była pryśviečanaja jakraz dyvanam Aleny Kiš. Ja była vielmi ŭražanaja tym, što ŭbačyła, i pačała zachoplena raspaviadać pra heta znajomym. Było dziŭna i kryŭdna, što mała chto pra tvorčaść Kiš viedaje», — raskazvaje Aksana, jakaja hod tamu pierajechała z Ukrainy ŭ Minsk da muža.
Dla dyzajnierki i architektarki z Bresta Maryny Achmiedavaj Kiš zaŭsiody była svojeasablivym aryjenciram u tvorčaści, simvałam biełaruskaj kultury. Abjadnaŭšy svaje idei i mahčymaści, dziaŭčaty vyrašyli zrabić prajekt, jaki pryśviačaŭsia b hetaj cikavaj dla ich abiedźviuch asobie.
«My vyvučyli papularnyja kirunki ŭ sučasnaj modzie i spałučyli ich ź biełaruskimi matyvami. Stylizacyja mastactva daŭno stała zvykłaj spravaj va ŭsim śviecie», — raspaviadajuć siabroŭki.
Ahułam na padrychtoŭku pieršaj kalekcyi chustak spatrebiłasia paŭhoda. Pramaloŭka ŭsiaho adnaho pałatna zajmaje dva miesiacy, praces praciahvajecca. Ci budzie brend raźvivacca dalej — zaležyć ad taho, ci zacikaviać rečy biełarusaŭ.
Dziaŭčaty pracujuć z naturalnym šoŭkam, tamu vynikovy košt chustak nie mały — kala 200 rubloŭ. Ale jany pryncypova nie chacieli rabić hety prajekt sa štučnymi tkaninami. Praŭda, Aksana i Maryna nie vyklučajuć, što ŭ budučyni atrymajecca zrabić sam praces vyrabu bolš tannym.
Zamović sabie ci kamuści ź blizkich padarunak z nacyjanalnym kałarytam možna ŭžo ciapier, padtrymaŭšy prajekt na kraŭdfandynhavaj płatformie.
Ciapier čytajuć
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali26
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłota ŭ Kranštacie4141
Kamientary