Iŭ Rosi — čałaviek i samalot. 49-hadovy švajcarac staŭ pieršym u śviecie čałaviekam, jaki pieralacieŭ Ła-Manš na svaich dvaich... kryłach.
Iŭ Rosi — čałaviek i samalot. 49-hadovy švajcarac staŭ pieršym u śviecie čałaviekam, jaki pieralacieŭ La-Manš na svaich dvaich... kryłach.
26 vieraśnia jon vyskačyŭ u nieba nad francuskim Kale j užo praź 10 chvilin pryvitalna kružlaŭ nad hledačami ŭ anhielskim Duŭry. Usia daroha zaniała niejkich 10 chvilin.
Rosi — były vajskovy, a ciapier hramadzianski lotčyk. Za paŭvieka jamu daviałosia papracavać na samych roznych samalotach. Ale ad 90-ha hodu jon mroiŭ navučycca lotać sam pa sabie. Na čym jon tolki nie skakaŭ z pavietranych šaroŭ dy samalotaŭ pa darozie da mety — na doškach dla serfinhu, na čyrvonym sardečku, stojačy na kryłach źmienšanaj madeli vajskovaha źniščalnika, načapiŭšy nadzimanyja kryły. Hučyć viesieła, ale takija harezy kaštavali žyćcia nie adnamu łaŭcu vietru.
Rosi ŭžo lotaŭ nad Ženieŭskim vozieram, Alpijskimi horami, Anhielskim kanałam, ale tam lotali j da jaho i na mienš składanych prystasavańniach.
Tady Rosi vyrašyŭ zrabić ź siabie samalot i ŭkruciŭ u kryły reaktyŭnyja ruchaviki. A kab nie spapialicca ad žaru vychłapaŭ, apranuŭsia ŭ admysłovy kaścium. Z system kiravańnia — adno ručka hazu pad pravaj rukoj. Astatniaje — ułasnaj hałavoj. Luby niaŭdały kivok ci pavarot moža pryvieści da trahiedyi. Ale Rosi nie śpiašajecca nazyvać svaju vynachodku ideałam — padymacca ŭ pavietra sama jana pakul nia ŭmieje.
Admietna, što hety palot adbyŭsia praz 99 hadoŭ paśla taho, jak La-Manš pa tym samym maršrucie ŭpieršyniu ŭ historyi pieralacieŭ vynachodca Dui Bleryjo. Suśvietny kanał National Geographic zładziŭ žyvuju tranślacyju pieralotu Rosi j pryśviaciŭ hetaj padziei asobnuju staronku ŭ siecivie — jetmanlive.com.
Ciapier čytajuć
Dźmitryj Siemčanka: Ja pryjšoŭ u puł Łukašenki bicca z Rasijaj15
Kamientary