Tak možna acharaktaryzavać vynik futbolnaha matču pamiž picierskim «Zenitam» i uładzivastockim «Łučom-Enerhija». «Zenit» -- supiernik BATE pa Lizie čempijonaŭ, a za «Łuč» hulaje biełarus Vital Bułyha.
Tak možna acharaktaryzavać vynik futbolnaha matču pamiž picierskim «Zenitam» i uładzivastockim «Łučom-Enerhija».
Supiernik BATE pa Lizie čempijonaŭ (z «Zenitam» -- matčy 21 kastryčnika i 5 listapada) na rodnym stadyjonie razhramiŭ apanentaŭ ź likam 8:1.
Chiet-tryk na rachunku Tekie. Dva hały zabiŭ Dani, jašče pa miačy praviali Aršavin, Šyrokaŭ, Daminhies.
Što admietna, adziny miač u adkaz uładzivastocki klub pravioŭ siłami biełarusa Vitala Bułyhi.Zdaryłasia heta, kali «Zenit» užo adhruziŭ u varoty «Łuča» siem miačoŭ.
Takim čynam čempijon Rasiei paśla siońniašniaj viktoryi zabraŭsia na 5-je miesca.
Na jahonym rachunku 37 bałaŭ, i adstavańnie ad kazanskaha «Rubina», što idzie pieršym, składaje 14 bałaŭ («Zenit» maje hulniu ŭ zapasie).
«Rubin» siońnia vyjhraŭ u «Spartaka» z Nalčyka – 3:0. «Rubin» maje ciapier 51 bał. Na druhim miescy idzie maskoŭski CSKA. U jaho 44 bały.
Da kanca čempijanatu zastałosia šeść turaŭ.
* * *
Praciahvajecca spad u hulni ŭ turynskaha «Juventusa».
Siońnia «Staraja Sińjora» prajhrała na rodnym stadyjonie «Palerma» – 1:2.Adziny hoł u «Juve» zabiŭ Alesandra Del Pjera.
Paraza admietnaja tym, što nad hałavoj hałoŭnaha treniera Kłaŭdyjo Rańjery zavis damokłaŭ mieč adstaŭki.
Inšy supiernik BATE pa Lizie, madrydzki «Reał» na «Sanćjaha Bernabeŭ» zhulaŭ uničyju z barselonskim «Espańjołam» -- 2:2. Heta matč nahadaŭ matč BATE - Juve. Usie miačy byli zabityja ŭ pieršym tajmie.
U «Reału» dva miačy na rachunku Raula.
«Reał» zaraz zajmaje 5-je miesca paśla šaści turaŭ, try bały sastupajučy «Valensii» i «Viljareału», što dzielać pieršaje miesca. Cikava, što ŭ zaklataha voraha karaleŭskaha kluba - «Barselony» taksama 13 punktaŭ. Na vychodnych pad haračuju ruku sinie-hranatavych trapiŭ madrydzki «Atletyka», jaki «Barsa» razhramiła ź likam 6:1. I heta biaz Hleba.
* * *
Što da BATE, to barysaŭcy siońnia vyjhrali ŭ siabie doma ŭ mienskaha «Lakamatyvu» – 1:0 (Radzivonaŭ).
BATE ciapier maje na svaim rachunku 56 bałaŭ,na 6 bałaŭ apiaredžvajučy MTZ-RIPA, jakoje siońnia prajhrała «Šachcioru» i mienskaje «Dynama»). Pry hetym barysaŭski klub maje ažno dźvie hulni ŭ zapasie.
Da kanca nacyjanalnaha čempijanatu zastalisia čatyry tury.
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary