Так можна ахарактарызаваць вынік футбольнага матчу паміж піцерскім «Зэнітам» і уладзівастоцкім «Лучом-Энэргія». «Зэніт» -- супернік БАТЭ па Лізе чэмпіёнаў, а за «Луч» гуляе беларус Віталь Булыга.
Так можна ахарактарызаваць вынік футбольнага матчу паміж піцерскім «Зэнітам» і уладзівастоцкім «Лучом-Энэргія».
Супернік БАТЭ па Лізе чэмпіёнаў (з «Зэнітам» -- матчы 21 кастрычніка і 5 лістапада) на родным стадыёне разграміў апанэнтаў зь лікам 8:1.
Хет-трык на рахунку Тэке. Два галы забіў Дані, яшчэ па мячы правялі Аршавін, Шырокаў, Дамінгес.
Што адметна, адзіны мяч у адказ уладзівастоцкі клюб правёў сіламі беларуса Віталя Булыгі.Здарылася гэта, калі «Зэніт» ужо адгрузіў у вароты «Луча» сем мячоў.
Такім чынам чэмпіён Расеі пасьля сёньняшняй вікторыі забраўся на 5-е месца.
На ягоным рахунку 37 балаў, і адставаньне ад казанскага «Рубіна», што ідзе першым, складае 14 балаў («Зэніт» мае гульню ў запасе).
«Рубін» сёння выйграў у «Спартака» з Нальчыка – 3:0. «Рубін» мае цяпер 51 бал. На другім месцы ідзе маскоўскі ЦСКА. У яго 44 балы.
Да канца чэмпіянату засталося шэсьць тураў.
* * *
Працягваецца спад у гульні ў турынскага «Ювэнтуса».
Сёньня «Старая Сіньёра» прайграла на родным стадыёне «Палерма» – 1:2.Адзіны гол у «Ювэ» забіў Алесандра Дэль П’ера.
Параза адметная тым, што над галавой галоўнага трэнера Клаўдыё Раньеры завіс дамоклаў меч адстаўкі.
Іншы супернік БАТЭ па Лізе, мадрыдзкі «Рэал» на «Санцьяга Бэрнабэў» згуляў унічыю з барсэлёнскім «Эспаньёлам» -- 2:2. Гэта матч нагадаў матч БАТЭ - Ювэ. Усе мячы былі забітыя ў першым тайме.
У «Рэалу» два мячы на рахунку Рауля.
«Рэал» зараз займае 5-е месца пасьля шасьці тураў, тры балы саступаючы «Валенсіі» і «Вільярэалу», што дзеляць першае месца. Цікава, што ў заклятага ворага каралеўскага клюба - «Барсэлёны» таксама 13 пунктаў. На выходных пад гарачую руку сіне-гранатавых трапіў мадрыдзкі «Атлетыка», які «Барса» разграміла зь лікам 6:1. І гэта бяз Глеба.
* * *
Што да БАТЭ, то барысаўцы сёньня выйгралі ў сябе дома ў менскага «Лякаматыву» – 1:0 (Радзівонаў).
БАТЭ цяпер мае на сваім рахунку 56 балаў,на 6 балаў апярэджваючы МТЗ-РІПА, якое сёньня прайграла «Шахцёру» і менскае «Дынама»). Пры гэтым барысаўскі клюб мае ажно дзьве гульні ў запасе.
Да канца нацыянальнага чэмпіянату засталіся чатыры туры.
Бяляцкі: Не трэба спяшацца адмяняць санкцыі. Бо гэта будзе ўспрынята рэжымам як яго перамога і слабасць Еўропы15
Каментары