Spravazdaču ab chodzie i vynikach vybaraŭ u miascovyja saviety, jakija prajšli ŭ Biełarusi 18 lutaha, nadrukavała ambasada ZŠA.
Złučanyja Štaty z zaniepakojenaściu adznačajuć charaktar praviadzieńnia miascovych vybaraŭ u Respublicy Biełaruś 13—18 lutaha 2018 hoda. Niahledziačy na niekatoryja nievialikija palapšeńni ŭ elemientach pracesu rehistracyi kandydataŭ i viadzieńnia ahitacyi, u cełym vybary nie adpaviadali mižnarodnym abaviazacielstvam Biełarusi pa praviadzieńni svabodnych i spraviadlivych vybaraŭ.
My škadujem ab adsutnaści istotnych źmienaŭ u vybarčym pracesie ŭ adpaviednaści z rekamiendacyjami Biuro pa demakratyčnych instytutach i pravach čałavieka Arhanizacyi pa biaśpiecy i supracoŭnictvu ŭ Jeŭropie (BDIPČ ABSIE) i Vieniecyjanskaj kamisii Rady Jeŭropy. Na žal, u dačynieńni da miascovych vybaraŭ zastalisia surjoznyja pytańni adnosna sumlennaści pracesu daterminovaha hałasavańnia, vykarystanych mietadaŭ stymulavańnia vybarščykaŭ da hałasavańnia, nieprazrystaści padliku i źviadzieńnia hałasoŭ, farmiravańnia vybarčych kamisij na niepluralistyčnaj asnovie, abmiežavalnaha charaktaru infarmacyjnaha asiarodździa i zakanadaŭstva.
I ŭ Minsku, i ŭ Vašynhtonie my zaklikali biełaruskija ŭłady da surjoznaj reformy vybarčaha zakanadaŭstva i vybarčych pracedur u adpaviednaści z rekamiendacyjami BDIPČ ABSIE i Vieniecyjanskaj kamisii Rady Jeŭropy. My praciahvajem zaklikać biełaruskija ŭłady pravieści hetyja reformy jak maha chutčej, kab Biełaruś zmahła vykanać svaje mižnarodnyja abaviazacielstvy ŭ pieryjad da nastupnych vybaraŭ.
Pašyreńnie demakratyčnych svabod, u tym liku vybarčaha pracesu, uzmacniaje niezaležnaść i suvierenitet Biełarusi, u padtrymku jakich u poŭnaj miery vystupajuć Złučanyja Štaty. Dalejšyja stanoŭčyja kroki z boku Biełarusi ŭ śfiery fundamientalnych svabod zastajucca važnym kampanientam dla ŭmacavańnia dvuchbakovych adnosin.
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary