Dziciačy piśmieńnik Eduard Uśpienski, aŭtar apovieści «Dziadźka Fiodar, sabaka i kot», pa matyvach jakoj byli źniatyja papularnyja savieckija multfilmy «Troje z Prastakvašyna», «Kanikuły ŭ Prastakvašyna» i «Zima ŭ Prastakvašyna», źbirajecca padać u sud na kinastudyju «Sajuzmultfilm». Pryčyna — vychad praciahu lehiendarnaha multsieryjała, raskazaŭ piśmieńnik karespandentu «Palityka Siońnia».
«Ja admoŭna staŭlusia da praciahu. Tamu što studyja sa mnoj ničoha nie ŭzhadniaje, nie pakazvaje scenar. Usio robić sama. Čamuści ličać, što ŭsie pravy naležać studyi, a ŭ mianie pytacca naohuł nie treba», — narakaje Uśpienski.
Jon paviedamiŭ, što budzie źviartacca ŭ sud, jak tolki vyjdzie pieršaja sieryja praciahu.
«Pakul nie było faktu. Kožny miesiac jany abiacajuć, što zaŭtra pačniecca pakaz», — adznačyŭ piśmieńnik.
Apošnim anansavanym terminam źjaŭlajecca 1 krasavika. Placoŭkaj, dzie pakažuć pieršuju sieryju praciahu «Prastakvašyna», stanie YouTube. Usiaho kinastudyja płanuje vypuścić da 2020 hoda 30 sieryj, pa 6,5 chviliny kožnaja. Kot Matroskin, jakoha raniej ahučvaŭ Aleh Tabakoŭ, u sučasnaj viersii zahavoryć hołasam akciora Michaiła Jafremava. Hołasam Šaryka stanie Haryk Sukačoŭ, paštaljona Piečkina ahučyć Ivan Achłabyścin.
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary