U im biaruć udzieł prezydenty dzieviaci krain, u tym liku i Biełarusi
10 kastryčnika ŭ Biškieku prachodzić pasiadžeńnie Savieta kiraŭnikoŭ dziaržaŭ SND. U im biaruć udzieł prezidenty dzieviaci krain Sadružnaści. Kiraŭnik Azierbajdžana Ilcham Alijeŭ, jaki adsutničaje ŭ suviazi z praviadzieńniem prezidenckich vybaraŭ u krainie, prysłaŭ zamiest siabie premjer‑ministra Artura Rasizadzie. Ukrainu zamiest prezidenta Viktara Juščanki pradstaŭlaje sakratar Savieta nacbiaśpieki i abarony Raisa Bahatyrova. Hruzija na samicie nie pradstaŭlena.
Jak paviedamiła pres‑słužba Vykankama SND, na samicie praduhledžvajecca abmierkavać prajekty 21 dakumienta. Asnoŭnym budzie prajekt Stratehii ekanamičnaha raźvićcia Sadružnaści na pieryjad da 2020 hoda. Heta kompleksny dakumient, jaki ŭjaŭlaje saboj sistemu ŭzajemaŭzhodnienych udzielnikami SND pohladaŭ na ahulnyja mety, pryjarytety i pierśpiektyvy sacyjalna‑ekanamičnaha raźvićcia va ŭmovach pahłybleńnia miždziaržaŭnych ekanamičnych adnosinaŭ, skiravanych na pieratvareńnie Sadružnaści ŭ značnaha ŭdzielnika sistemy mižnarodnych ekanamičnych adnosinaŭ. U im dadziena acenka miesca SND u suśvietnaj haspadarčaj sistemie i ahulnaj ekanamičnaj situacyi ŭ Sadružnaści, vykładajucca mety i zadačy ekanamičnaj intehracyi, sistemaŭtvaralnyja aśpiekty supracoŭnictva, vyznačany asnoŭnyja śfiery ŭzajemadziejańnia ŭ halinie ekanomiki.
Padčas aficyjnaha vizitu ŭ Kyrhyzstan prezident Biełarusi Alaksandr Łukašenka 11 kastryčnika praviadzie pieramovy z prezidentam Kyrhyzskaj Respubliki Kurmanbiekam Bakijevym, pa vynikach jakich płanujecca padpisańnie šerahu dakumientaŭ, skiravanych na pašyreńnie dahavorna‑pravavoj bazy ŭzajemadziejańnia ŭ roznych śfierach supracoŭnictva.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary