U pieršy tydzień krasavika adbyłasia kamandziroŭka biełaruskaha konsuła, jaki pracuje ŭ Vjetnamie, u Tajłand, dzie jon u metach akazańnia konsulska-pravavoj dapamohi naviedaŭ hramadzianBiełarusi, što byli zatrymanyja i adbyvajuć tam pakarańnie, paviedamili BiełTA ŭ pres-słužbie MZS Biełarusi.
«Padčas kamandziroŭki byli naviedany jak hramadzianie, jakija adbyvajuć pakarańnie pa abvinavačvańni ŭ ekanamičnych złačynstvach,
tak i biełaruskija hramadzianie, zatrymanyja ŭ lutym u Patai pa abvinavačvańni ŭ niezakonnaj pracoŭnaj dziejnaści na terytoryi Tajłanda», — raspaviali ŭ pres-słužbie.
Adbylisia taksama sustrečy konsuła z kiraŭnictvam pravaachoŭnych struktur Tajłanda, atrymana infarmacyja pra ŭmovy ŭtrymańnia biełaruskich hramadzian, abmierkavany varyjanty dalejšych dziejańniaŭ, jakija paspryjajuć ich chutčejšamu viartańniu na radzimu, adznačajecca ŭ paviedamleńni.
***
Pra zatrymańnie Aleksa Leśli i Naści Rybki i jašče 8 čałaviek u kurortnaj Patai stała viadoma ŭ kancy lutaha.
Jany płanavali pravieści na tajłandskim vostravie Łan sieryju urokaŭ, pryśviečanych svabodnamu kachańniu. Achvotnych atrymać niezvyčajny dośvied nabrałasia bolš za 40 čałaviek. Naviedvalniki płacili za ŭvachod bolš za 600 dalaraŭ, paviedamlajuć rasijskija ŚMI
Aleks Leśli i Naścia Rybka znachodziacca ciapier u adnoj z turmaŭ Tajłanda.
10 krasavika stała viadoma, što im pradjavili aficyjnaje abvinavačańnie. Hučyć jano tak: «Pradastaŭleńnie pasłuh pa zadavalnieńni pałavoha žadańnia z dapamohaj trecich asob, dałučanych da pradastaŭleńnia takich pasłuh ź ich zhody, u składzie złačynnaj hrupy». Zaraz pa hetaj spravie idzie daznańnie.
Kamientary