A dakazvajuć jany tamu, što, «apošnim časam u suviazi z padziejami ŭ susiednich krainach da nas stała źviartacca vielmi šmat zamiežnych hramadzian z prośbaj raźmiaścić svaje ŭkłady ŭ bankaŭskaj systemie Respubliki Biełaruś». I abiacajuć padmacavać harantyi dekretam dy navat admianiajuć deklaracyi.
Łord Beł ci nia łord Beł, ale aficyjnaja spravazdača pra čarhovuju sustreču Alaksandra Łukašenki z kiraŭnikom Nacbanku Piatrom Prakapovičam čytajecca jak raspracoŭka pijar-ahienctva:
«U Biełarusi budzie harantavana poŭnaje viartańnie ŭsich układaŭ u bankach. Takaja mahčymaść budzie praduhledžana ŭ Dekrecie Prezidenta Respubliki Biełaruś, prajekt jakoha daručana ŭ ścisłyja terminy padrychtavać Nacyjanalnamu banku. Heta daručeńnie Alaksandr Łukašenka daŭ 17 kastryčnika staršyni praŭleńnia Nacyjanalnaha banka Piatru Prakapoviču, paviedamili BIEŁTA.
U dekrecie buduć praduhledžany dziaržaŭnyja harantyi pa ŭsich układach, niezaležna ad ich vieličyni, a taksama praduhledžany pryjom układaŭ nasielnictva jak dla hramadzian Respubliki Biełaruś, tak i zamiežnych hramadzian nie tolki ŭ nieabmiežavanych abjomach, ale i biez dekłaracyj, z poŭnym zachavańniem tajny ŭkładaŭ u adpaviednaści ź biełaruskim zakanadaŭstvam.
Piotr Prakapovič adznačyŭ, što padrychtoŭka hetaha dakumienta vyklikana taksama i tym faktaram, što apošnim časam u suviazi z padziejami ŭ susiednich krainach da nas stała źviartacca vielmi šmat zamiežnych hramadzian z prośbaj raźmiaścić svaje ŭkłady ŭ bankaŭskaj sistemie Respubliki Biełaruś.
A. Łukašenka taksama daručyŭ Nacbanku terminova ŭnieści na razhlad tyja narmatyŭnyja dakumienty, jakija daduć mahčymaść Biełarusi ŭvajści ŭ lik pieršych 30 krain-lideraŭ u śviecie pa stvareńniu spryjalnych umoŭ kredytavańnia. Tamu ŭžo na nastupnym tydni buduć uniesieny adpaviednyja dakumienty.
Jak zapeŭniŭ Piotr Prakapovič, stabilny stan nacyjanalnaj valuty budzie zabiaśpiečvacca ŭ poŭnym abjomie da kanca hoda.
Pavodle słoŭ kiraŭnika Nacbanka, u hetym hodzie adznačajucca biesprecedentna vysokija abjomy kredytavańnia.
Staršynia praŭleńnia Nacyjanalnaha banka asabliva padkreśliŭ, što biełaruskaja płaciežnaja sistema pa-raniejšamu pracuje ŭstojliva, stabilna i biez zbojaŭ.
Układy nasielnictva za 9 miesiacaŭ biahučaha hoda ŭ paraŭnańni z anałahičnym pieryjadam minułaha hoda pavialičylisia bolš jak na Br2,8 trłn. Jak ličyć Piotr Prakapovič, heta vielmi važna na fonie tych niehatyŭnych źjaŭ, što adbyvajucca z układami nasielnictva ŭ susiednich krainach i ŭ cełym u śviecie».
Hetyja bravurnyja zajavy majuć na mecie supakoić hramadzianaŭ i zapabiehčy vyvadu ŭkładaŭ — bankructvy bankaŭ i cełych krainaŭ łancuhom raspaŭsiudžvajucca pa śviecie.
Słuchajučy hetyja zajavy, dumaješ: a ci daviedajemsia my nadalej praŭdzivuju statystyku?Paśla taho jak publikacyja vynikaŭ bankaŭskaha vieraśnia, padzieńnie zołatavalutnych zapasaŭ na 10% za adzin miesiac, vyklikali tryvohu ŭkładčykaŭ, ci nie pojduć ułady na dezinfarmacyju ab stanie bankaŭskaj sistemy? Pijar-dakład Prakapoviča vyklikaje takija pradčuvańni. Tym bolš što adnojčy takoje ŭžo zdarałasia: na chvali paničnych nastrojaŭ napiaredadni adnaho z hazavych kanfliktaŭ z Rasijaj. Tady padobnaja taktyka spracavała.
Ciapier čytajuć
Chto toj zamiežnik, jaki zabiŭ žonku i zhvałtavaŭ padčarycu ŭ Dobrušy7
Chto toj zamiežnik, jaki zabiŭ žonku i zhvałtavaŭ padčarycu ŭ Dobrušy
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach77
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach7
«Kali i pryjedu ŭ Biełaruś, to ŭžo jak turyst». Arhienciniec chacieŭ zrabić biznes u Biełarusi, ale jaho vysłali za drabiazu. Ciapier dazvolili viarnucca, ale jość niuans22
Kamientary