Pachodnaja kaśmietyčka: top-5 ajčynnych srodkaŭ dla chutkaha i śviežaha makijažu, jaki možna zrabić navat u maršrutcy
Sabrali dla vas niešta nakštałt pachodnaj kaśmietyčki, jakaja dapamoža zrabić makijaž za ličanyja chviliny. Prosta znachodka dla tych, chto zaŭsiody niekudy śpiašajecca, ale choča krychu aśviažyć tvar. Dobry vynik pry minimalnych vysiłkach.
Materyjał nie partniorski, usio vyprabavana na sabie.
Chajłajtar ad Relouis
Maleńki kruhlak chajłajtara možna vykarystoŭvać nie tolki pa pramym pryznačeńni, ale i jak cieni. Tak što hetaja karobačka — srodak dva ŭ adnym! Papiaredzim adrazu: nie viadziciesia na nadpis «pro», upakoŭka nie samaja tryvałaja. Zatoje za 5 rubloŭ vy atrymajecie niadrenny pradukt. Možna nanosić na skuru aściarožna, a možna biez abmiežavańniaŭ — tak, kab paśla źziać, jak bryljant.
Tuš dla viejek z arhanavym alejem LUXURY Argan Oil ad Bielity
Tuš z dobraj formułaj i ŭniviersalnym silikonavym pamazkom. Padoŭžyć, padkrucić, dadaść abjomu. Ź jaje dapamohaj možna damahčysia dramatyzmu ŭ pozirku. Kładziecca supierroŭna, biez kamiačkoŭ, vydatna trymajecca ŭvieś dzień. Najlepšaja biełaruskaja tuš, na naš pohlad.
Srodki dla brovaŭ (ałovak i hiel) ad Relouis
Sa srodkami dla brovaŭ paŭstali sumnieńni, tamu što dobryja ałoŭki jość i ŭ «Rełui», i u Belor Design, i u Luxvisage. Pa adčuvańniach jany całkam adnolkavyja, adroźnivajucca tolki koleram. Hiel FIX&COLOR dla brovaŭ u «Rełui» niadrenny, adnak i nie fantastyka. Padfarboŭvaje ŭ mieru, fiksuje siarednie, ščotka doŭhaja — da jaje treba prystasavacca, ale sam hiel trymajecca na tvary dobra. Karaciej, biudžetny pracoŭny konik, za svaje 3 rubli. Całkam hodny pradukt.
Pudra-skulptar Luxvisage
Adnym hetym praduktam možna adrazu zrabić konturynh, zacianić składku pavieka, a śvietły siehmient paśla vykarystać jak pudru. Minus: chistkaja, niazručnaja nakryŭka, u kaśmietyčcy jaje treba čymści fiksavać.
Darečy, prostyja pudry my śpiecyjalna nie ŭklučali ŭ śpis: siarod biełaruskaj kaśmietyki jany ŭsio bolš-mienš adnolkavyja.
Tanalny krem Bielita
Tut my možam prapanavać dva varyjanty: bb-krem ź liniejki «Belita Young» dla tych, kamu treba lohkaje pakryćcio i niama čaho maskiravać. Tym, chto choča niešta «padretušavać», užo składaniej. Mabyć, bolš-mienš dobraje pakryćcio daje tanalny krem «NUDE Effect». Jon niadrenna maskiruje niaroŭnaści tonu skury i pryjemna ŭvilhatniaje.
A jakija pradukty ŭ vašaj kaśmietyčcy? Raspaviadzicie nam u kamientarach!
Ciapier čytajuć
Na «hulni Mackieviča» nie było Cichanoŭskaj, Łatuški, Cichanoŭskaha. Babaryka i Kaleśnikava adjazdžali, ale viarnulisia7
Na «hulni Mackieviča» nie było Cichanoŭskaj, Łatuški, Cichanoŭskaha. Babaryka i Kaleśnikava adjazdžali, ale viarnulisia
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary