Słužba biaśpieki infarmacyi Čechii (Bezpečnostní informační služba, BIS) zajaviła pra zamiešanaść ŭ kibieratakach na dziaržaŭnyja viedamstvy krainy rasijskich chakieraŭ.
U dakumiencie havorycca, što ŭ 2016-2017 hadach chakieram atrymałasia ŭzłamać infarmacyjnuju sistemu Ministerstva zamiežnych spraŭ Čechii, dziakujučy čamu jany atrymali dostup da skryniaŭ elektronnaj pošty paŭtary sotni supracoŭnikaŭ viedamstva i skapijavali adtul infarmacyju. Śpiecyjalisty BIS adznačajuć, što hałoŭnaj metaj chakieraŭ stali paštovyja skryni vyšejšych čynoŭ MZS, złamyśniki praviarali ich nieadnarazova i zdoleli atrymać niamała infarmacyi, karysnaj dla praviadzieńnia novych napadaŭ na inšyja dziaržustanovy.
«Heta była, badaj, samaja aktyŭnaja i samaja prykmietnaja rasijskaja kampanija pa kibieršpijanažy», — havorycca ŭ spravazdačy BIS.
Češskaja śpiecsłužba paviedamlaje taksama, što joj udałosia vyjavić niekalki kibieratak na češskija vajskovyja abjekty, arhanizataram jakich udałosia ŭzłamać niekalki ŭlikovych zapisaŭ elektronnaj pošty, jakija naležali supracoŭnikam Minabarony i vajskoŭcam češskaj armii.
U spravazdačy BIS havorycca taksama, što ŭ 2017 hodzie rasijskija raźviedčyki praciahvali aktyŭna pracavać u Čechii pad dypłamatyčnym prykryćciom.
Kamientary